கழுத்தில் மஞ்சள் நிற விசில்.. கண்களை மூடி, கைகளை கூப்பி.."சாமீ.." உருகி பிரார்த்தனை செய்த தோனி மகள்!

Updated: Tuesday, October 5, 2021, 12:12 [IST]

Subscribe to Oneindia Tamil

துபாய்: ஐபிஎல் 2021 போட்டியில் சென்னை சூப்பர் கிங்ஸ் அணி வெற்றி பெற வேண்டும் என மிகவும் உருக்கமாக தோனி மகள் ஸிவா பிரார்த்தனை செய்த புகைப்படம் வைரலாகி வருகிறது.

7 விக்கெட்டுகள்

இதில் டெல்லி கேபிட்டல்ஸ் அணி 7 விக்கெட்டுகள் இழப்பிற்கு 139 ரன்களை குவித்து வென்றது. இதன் மூலம் இந்த அணி புள்ளி பட்டியலில் முதலிடத்திற்கு முன்னேறிச் சென்றது. ஏற்கெனவே முதலிடத்தில் இருந்த சிஎஸ்கே அணி 13 போட்டிகளில் 9 போட்டிகளில் வென்று 4 போட்டிகளில் தோல்வியை தழுவி 18 புள்ளிகளுடன் 2 ஆவது இடத்திற்கு தள்ளப்பட்டது. இது ரசிகர்களுக்கு மன வருத்தத்தை தந்துள்ளது.

சென்னை சூப்பர் கிங்ஸ்

இந்த போட்டியில் தோனி இடம் பெற்ற சென்னை சூப்பர் கிங்ஸ் அணி தோல்வியை சந்தித்தாலும் அந்த அணி இணையதளத்தில் வைரலாகி வருகிறது. இதற்கு காரணம் தோனியின் மகள் ஸிவாதான். டெல்லி கேபிட்டல்ஸ் அணி விளையாடி கொண்டிருந்த போது 5 வயதே ஆகும் ஸிவா சிஎஸ்கே அணி வெற்றி பெற வேண்டும் என நகங்களை கடித்துக் கொண்டு மிகவும் உன்னிப்பாக போட்டியையே பார்த்துக் கொண்டிருந்தார்.

புகைப்படம்

இதையடுத்து மிகவும் பரபரப்பாக காணப்பட்ட அவர் கண்களை மூடிக் கொண்டு இரு கைகளையும் கூப்பி தனது தந்தை இடம் பெற்ற சென்னை சூப்பர் கிங்ஸ் அணி வெல்ல வேண்டும் என மனம் உருக பிரார்த்தனை செய்தார். இதையடுத்து அவரது பிரார்த்தனை புகைப்படம் வைரலாகி வருகிறது.

ஸிவா தி கியூட் பேபி

இணையதளத்தில் மிகவும் கியூட் பிக்சர் என மக்கள் கொண்டாடி வருகிறார்கள். ஆட்டம் நடந்து கொண்டிருந்த போதே இந்த புகைப்படம் வைரலானதால் ரசிகர்கள் , கவலைப்படாதேடா ஸிவா, நாம்தான் வெல்வோம் என சென்னை சூப்பர் கிங்ஸ் ரசிகர்கள் டிவிட்டரில் பதிவிட்டிருந்தனர். இன்னும் சிலர் 5 வயதே ஆகும் சிறு குழந்தைக்கு தனது தந்தையின் மீதும் அவர் சார்ந்த அணி மீதும் இத்தனை பற்றா என வியக்கிறார்கள். மேலும் கழுத்தில் மஞ்சள் நிற விசிலை ஸிவா அணிந்திருந்தார். சென்னை சூப்பர் கிங்ஸ் அணியின் தீம் சாங் சென்னை சூப்பர் கிங்ஸ்க்கு பெரிய விசில் அடிங்க... என்பது குறிப்பிடத்தக்கது.