ஐக்கிய அரபு அமீரக மக்கள் இந்தியா செல்ல அதிரடி தடை.. ஆனால் இவர்களுக்கு மட்டும் விலக்கு.. முழு விவரம்

Updated: Thursday, April 25, 2024, 12:09 [IST]

Subscribe to Oneindia Tamil

துபாய்: கொரோனா அச்சறுத்தல் காரணமாக இந்தியா, பாகிஸ்தான், இலங்கை, நேபாளம் உள்ளிட்ட 14 நாடுகளுக்கு தங்கள் நாட்டு மக்கள் பயணம் செய்ய தடை விதித்து ஐக்கிய அரபு அமீரகம் அதிரடியாக உத்தரவிட்டுள்ளது. .

கொரோனா அச்சறுத்தல் காரணமாக இந்தியாவில் கிட்டத்தட்ட ஒரு வருடத்திற்கும் மேலாக விமான சேவையில் பாதிப்பு ஏற்பட்டுள்ளது. தற்போது உள்நாட்டு விமான சேவை ஓரளவு சீரடைந்து விட்டது.

ஆனால் சர்தேச விமான சேவை இன்னும் சீரடையவில்லை. பல்வேறு நாடுகள் இந்தியாவுக்கும், இந்தியாவில் இருந்தும் விமான சேவையை நிறுத்தி வைத்துள்ளது.

இந்தியா செல்ல தடை விதிப்பு

இந்த நிலையில் கொரோனா அச்சறுத்தல் காரணமாக இந்தியா, பாகிஸ்தான், இலங்கை, நேபாளம் உள்ளிட்ட 14 நாடுகளுக்கு தங்கள் நாட்டு மக்கள் பயணம் செய்ய தடை விதித்து ஐக்கிய அரபு அமீரகம் அதிரடியாக தடை விதித்துள்ளது. ஜூலை 21-ம் தேதி வரை இந்த நாடுகளில் இருந்து விமானங்கள் வருவதற்கும் தடை நீட்டிப்பதாக ஐக்கிய அரபு அமீரகத்தின் வெளியுறவுத்துறை அமைச்சகம், தேசிய பேரிடர் ஆணையம் கூறியுள்ளது.

வேறென்ன நாடுகள்?

லைபீரியா, நமீபியா, சியரா லியோன், காங்கோ ஜனநாயக குடியரசு, உகாண்டா, சாம்பியா, வியட்நாம், இந்தியா, பங்களாதேஷ், நேபாளம், இலங்கை, நைஜீரியா மற்றும் தென்னாப்பிரிக்கா ஆகிய நாடுகளுக்கு ஐக்கிய அரபு அமீரக மக்கள் செல்லக் கூடாது என்று அந்த உத்தரவில் கூறப்பட்டுள்ளது. அதே வேளையில் இதில் ஒரு சில விலக்குகளும் உள்ளன.

வர்த்தகரீதியான பயணம் உண்டு

அதாவது சரக்கு விமானப் போக்குவத்து, வர்த்தகரீதியான தனிப்பட்ட நபர்கள் பயணிக்கும் சிறிய விமானங்கள் கட்டுப்பாடுகளுடன் இயக்கி கொள்ளலாம். வெளிநாடுகளுக்கு சென்று ஐக்கிய அரபு அமீரகம் திரும்பும் மக்கள் தங்களை கட்டாயம் தனிமைப்படுத்திக் கொள்ள வேண்டும். எந்த ஒரு நாட்டில் இருந்தாலும் அந்த நாட்டின் கொரோனா தடுப்பு வழிமுறைகளையும், கட்டுப்பாடுகளையும் கண்டிப்பாக பின்பற்ற வேண்டும்.

சிகிச்சை பெற அனுமதி

அதே வேளையில் கொரோனாவால் பாதிக்கப்பட்ட மக்கள் ஐக்கிய அரபு அமீரகம் வந்து சிகிச்சை பெற விரும்பினால், உரிய அனுமதி பெற்ற பிறகு இங்கு அனுமதி அளிக்கப்படுவார்கள். அவர்களுக்கு சிகிச்சை பெற அனுமதி வழங்கப்படும். கொரோனா தங்கள் நாட்டுக்கு பரவி விடாமல் தடுப்பதற்காகவே மேற்கண்ட உத்தரவு வெளியிட்டுள்ளதாக விளக்கம் அளிக்கப்பட்டுள்ளது.