உதயநிதி ஸ்டாலின் பதவியேற்பு விழா! கேக் வெட்டி துபாயில் கொண்டாடும் அமீரகத் திமுக!

துபாய்: உதயநிதி ஸ்டாலின் அமைச்சராக பொறுப்பேற்றதை அடுத்து ஐக்கிய அரபு அமீரகத் திமுக சார்பில் துபாயில் கேக் வெட்டி கொண்டாடப்படவுள்ளது.

தமிழக இளைஞர் நலன் மற்றும் விளையாட்டு மேம்பாட்டுத் துறை அமைச்சராக உதயநிதி ஸ்டாலின் பதவியேற்றதை ஒட்டி, தமிழகம் மட்டுமின்றி உலகம் முழுவதும் திமுகவினர் வெகு விமரிசையாக கொண்டாடி மகிழ்ந்து வருகின்றனர்.

அந்த வகையில் அமீரகத் திமுக சார்பில் உதயநிதி பதவியேற்பு விழாவை கொண்டாடும் நிகழ்வானது துபாயில் இன்னும் சில மணி நேரங்களில் நடைபெறுகிறது.

அமீரகத் திமுக பொறுப்பாளர் எஸ்.எஸ்.மீரான் ஒருங்கிணைப்பில் நடைபெறவுள்ள இந்த நிகழ்ச்சியில் துபாய் வாழ் தமிழர்களும், திமுகவினரும் பெருந்திரளாக பங்கேற்கின்றனர்.

துபாய் தேரா பகுதியில் உள்ள லேண்ட்மார்க் ஹோட்டலில் நடைபெறும் இந்த நிகழ்ச்சியில், உதயநிதி ஸ்டாலினுக்காக பிரம்மாண்ட கேக் வெட்டப்படவுள்ளது. அண்மையில் தான் அமீரகத் திமுக சார்பில் உதயநிதி ஸ்டாலின் பிறந்தநாள் விழா கொண்டாடப்பட்டது.

இப்போது அடுத்தப்படியாக உதயநிதி ஸ்டாலின் அமைச்சரானதை கொண்டாடும் நிகழ்வு நடைபெறுவது குறிப்பிடத்தக்கது. தமிழகத்தை போலவே துபாயிலும் தொடர்ச்சியாக திமுக நிகழ்ச்சிகள் நடைபெற்று வருவது கவனிக்கத்தக்கது.

English summary

Udhayanidhi Stalin swearing ceremony will be celebrate by cutting a cake in Dubai on behalf of DMK UAE.