அம்மாடி தலையே சுத்துது.. துபாயின் காஸ்ட்லி வீடு.. ரூ. ₹1,351 கோடி கொடுத்து வாங்கிய அம்பானி!

துபாய்: உலகின் மிக உயர்ந்த ரியல் எஸ்டேட் மார்கெட்டை கொண்ட துபாயில் இதுவரை விற்பனையான டாப் 5 வீடுகள் குறித்து நாம் பார்க்கலாம். இதில் ஒவ்வொரு வீட்டின் விலையைக் கேட்டாலே நமக்கு தலையே சுற்றுகிறது. அதிலும் இதில் நம்பர் 1 இடத்தில் இருக்கும் வீட்டை யார் வாங்கியது தெரியுமா? இது குறித்தும் நாம் விரிவாகப் பார்க்கலாம்!

ஐக்கிய அமீரக நகரங்களில் ஒன்றான துபாய், கச்சா எண்ணெய்யை வைத்தே வளர்ச்சியடைந்தது என்பது அனைவருக்கும் தெரியும். ஆனால், கச்சா எண்ணெய்யைத் தாண்டி தனது பொருளாதாரத்தை விரிவுபடுத்தும் நடவடிக்கையில் நீண்ட காலமாகவே அமீரகம் தொடர்ந்து ஈடுபட்டு வருகிறது. அதன்படி உலகின் பொருளாதார மையமாக துபாய் வளர்ந்து வருகிறது.

Photo Credit:

Oneindia AI Image

துபாய் ரியல் எஸ்டேட்

ரியல் எஸ்டேட் சந்தையிலும் சர்வதேச முதலீட்டாளர்களையும் பெரும் பணக்காரர்களையும் ஈர்க்கும் இடமாக துபாய் இருக்கிறது. இதனால் துபாயில் ஒரு ஆடம்பர வீடு வாங்க வேண்டும் என்பதே பல பணக்காரர்களின் திட்டமாக இருக்கிறது.. கடந்த 10-15 ஆண்டுகளில், துபாயின் ரியல் எஸ்டேட் சந்தை மிகப் பெரிய வளர்ச்சியை அடைந்து, சர்வதேச கவனத்தை ஈர்த்து வருகிறது.

துபாயில் வீடுகள் என்பது வெறும் கட்டிடங்கள் அல்ல.. அவை கட்டிடக்கலை அற்புதங்கள், வாழ்க்கை முறை அடையாளங்கள் மற்றும் அந்தஸ்தின் குறியீடுகளாகும். இதற்கிடையே துபாய் ரியல் எஸ்டேட் மார்கெட் வரலாற்றில் அதிக விலைக்கு விற்பனையான 5 வீடுகள் குறித்தும்.. அந்த வீடுகளை வாங்கியவர் யார் என்பது குறித்தும் நாம் பார்க்கலாம்.!

அம்பானி

துபாயில் இதுவரை விற்பனையான வீடுகளில் மிக அதிக விலைக்கு விற்பனையான வீடு பாம் ஜுமேரா வில்லா தான். இது 600 மில்லியன் திர்ஹம்கள், அதாவது அன்றைய இந்திய ரூபாய் மதிப்பில் ரூ. ₹1,351 கோடிக்கு விற்பனையானது. இந்த வீட்டை வாங்கியவர் வேறு யாரும் இல்லை.. இந்தியாவின் மிக பெரிய கோடீஸ்வரரும் ஆசியாவின் முக்கிய கோடீஸ்வரர்களில் ஒருவராக இருக்கும் முகேஷ் அம்பானி தான் அந்த வில்லாவை வாங்கினார். பனை ஜுமேராவில் உள்ள இந்த பிரம்மாண்டமான வில்லா, ஒரு கட்டுமான அற்புதம் மற்றும் ஆடம்பரத்தின் உச்சமாகக் கருதப்படுகிறது.

துபாயில் இரண்டாவது காஸ்ட்லி வீடும் பாம் ஜுமேராவில் தான் உள்ள அமைந்துள்ளது. 'கோமோ ரெசிடன்சஸ் பென்ட்ஹவுஸ்' என்ற வீட்டை இது 2023ஆம் ஆண்டில் 500 மில்லியன் திர்ஹம்கள், அதாவது அன்றைய இந்திய மதிப்பில் ரூ.1125 கோடிக்கு விற்கப்பட்டது. நக்கீல் என்ற நிறுவனமே அந்த வீட்டைக் கட்டி விற்றது. இருப்பினும், வாங்கியவரின் தகவல்கள் வெளியிடப்படவில்லை. 22,000 சதுர அடி பரப்பளவு கொண்ட இந்த பென்ட்ஹவுஸ், உயர்தர வடிவமைப்பு, அல்ட்ரா-லக்ஸரி வசதிகள், ஸ்மார்ட் ஹோம் தொழில்நுட்பத்தைக் கொண்டுள்ளது. உலகின் மிக விலையுயர்ந்த பென்ட்ஹவுஸ்களில் இதுவும் ஒன்றாகும்.

அடுத்தடுத்த இடங்கள்

துபாயின் ஆடம்பர ரில் எஸ்டேட்டில் 3வது இடத்தில் இருப்பது 'மர்சா அல் அரப் பென்ட்ஹவுஸ்' உள்ளது. 2023ஆம் ஆண்டில் இந்த வீடு 420 மில்லியன் திர்ஹம்ஸ், அதாவது ரூ.944 கோடிக்கு விற்பனை செய்யப்பட்டது. இதுவும் உலகின் பெரும் பணக்காரர்களை ஈர்த்த ஓர் அதிநவீனச் சொகுசு குடியிருப்பாகும்.

அடுத்த இடத்தில் 'பல்கேரி லைட்ஹவுஸ் அபார்ட்மென்ட்' இருக்கிறது. 2023ஆம் ஆண்டில் இந்த குடியிருப்பு 410 மில்லியன் திர்ஹம்களுக்கு, அதாவது ரூ.922 கோடிக்கு விற்பனையானது. ஜுமேரா பே தீவில் அமைந்துள்ள இந்த அபார்ட்மென்ட், தரமான கட்டிடக்கலை மற்றும் சர்வீஸ்களுக்கு பெயர் பெற்றது. ஒன்பது படுக்கையறைகள், ஏழு குளியலறைகள் மற்றும் ஒரு பிரைவேட் இன்ஃபினிட்டி குளத்தை இது பெற்றுள்ளது.

5வது இடம்

ஐந்தாவது இடத்தை 'ஒன் அட் பாம் ஜுமேரா பென்ட்ஹவுஸ்' பிடித்துள்ளது. இது 2024 செப்டம்பரில் 275 மில்லியன் திர்ஹம்களுக்கு, அதாவது அன்றைய இந்திய ரூபாய் மதிப்பில் ரூ.626 விற்பனை செய்யப்பட்டது. ஓம்னியட் நிறுவனத்தால் கட்டப்பட்ட இந்த வீடு, துபாயின் நவீன கட்டிடக்கலையின் எடுத்துக்காட்டாகும். அதிநவீன வடிவமைப்புடன், அவுட்டூர் நீச்சல் குளம், பிரைவேட் தியேட்டர், ஸ்பா என ஏகப்பட்ட வசதிகளை இது கொண்டு இருந்தது.

English summary

Dubai’s top 5 most expensive homes sold will suprise you (துபாயில் விற்பனையான காஸ்ட்லி வீடுகள்): Record-breaking villas & penthouses worth hundreds of millions to AED 1B+.