நாளை தமிழகத்துக்கு பிரதமர் மோடி வருகை.. ஈரோட்டில் தீவிரவாதிகளா? என்ஐஏ சோதனை.. 2 பேரிடம் விசாரணை

Updated: Wednesday, July 27, 2022, 9:00 [IST]

Subscribe to Oneindia Tamil

ஈரோடு: ஈரோடு மாவட்டத்தில் நேற்று என்ஐஏ அதிகாரிகள் அதிரடி சோதனை நடத்தினர். இந்த சோதனையில் 2 பேரை பிடித்து சென்ற அதிகாரிகள் ரகசிய இடத்தில் வைத்து விசாரித்து வருகின்றனர்.

ரகசிய இடத்தில் 2 பேரிடம் விசாரணை

இந்த விசாரணை இரவு 11 மணி வரை நீடித்தது. அதன்பிறகு என்ஐஏ அதிகாரிகள் 2 பேரை வேறு இடத்துக்கு அழைத்து சென்றனர். தற்போது அவர்களை ரகசிய இடத்தில் வைத்து அதிகாரிகள் விசாரணை நடத்தி வருகின்றனர். இந்த சோதனையால் மாணிக்கம்பாளையம் பகுதியில் போலீஸ் பாதுகாப்பு போடப்பட்டு இருந்தது. இதனால் இந்த சம்பவம் நேற்று ஈரோடு மாணிக்கம்பாளையம் பகுதியில் பெரும் பரபரப்பை ஏற்படுத்தியது.

செல்போன், சிம் கார்டுகள் பறிமுதல்

மேலும் இந்த சோதனையின்போது வீட்டில் இருந்த செல்போன், மடிக்கணினி, டைரி, சிம்கார்டு, வங்கி புத்தகம் உள்ளிட்டவை கைப்பற்றப்பட்டது. மாமல்லபுரத்தில் செஸ் ஒலிம்பியாட் துவக்க விழாவில் பங்கேற்க பிரதமர் நரேந்திர மோடி நாளை 2 நாள் பயணமாக தமிழகம் வரும் நிலையில் இந்த சோதனை நடத்தப்பட்டுள்ளது.

சோதனை ஏன்?

இதுகுறித்து போலீஸ் தரப்பில் கேட்டபோது,‘‘கடந்த மாதம் 24ம் தேதி பெங்களூர் திலக் நகர் பகுதியில் அல்குவைதா தீவிரவாத அமைப்புடன் தொடர்பில் இருந்த அக்தர் உசேன் லஸ்கர் கைது செய்யப்பட்டார். அதன்பிறகு சேலத்தில் பதுங்கி இருந்த அப்துல் அலி ஜூபா என்பவரை பெங்களூர் போலீசார் கைது செய்தனர். இவர்கள் அளித்த தகவலின் அடிப்படையில் சோதனை மேற்கொள்ளப்பட்டுள்ளது'' என்றனர்.

தீவிரவாத அமைப்புடன் தொடர்பா?

மேலும் ஈரோட்டில் தீவிரவாத அமைப்புடன் தொடர்பு கொண்டதாக சந்தேகப்படும் நபர்கள் இருக்கலாம் என என்ஐஏ அதிகாரிகளுக்கு ரகசிய தகவல் கிடைத்தது. அதனடிப்படையில் தான் என்ஐஏ அதிகாரிகள் ஈரோடு வந்து மாவட்ட போலீஸ் அதிகாரிகளுடன் ஆலோசனை நடத்தி உரிய பாதுகாப்புடன் குறிப்பிட்ட வீட்டில் சோதனை நடத்தியுள்ளதாக தகவல்கள் வெளியாகி உள்ளன. இருப்பினும் தற்போது நடந்த சோதனை தொடர்பாக என்ஐஏ அதிகாரிகள் அதிகாரப்பூர்வமாக எதுவும் தெரிவிக்கவில்லை என்பது குறிப்பிடத்தக்கது.