இதய நோயால் பாதிக்கப்பட்டிருக்கும் 13 வயது சிறுமி ஸ்ரீமதி.. உங்களின் சிறு உதவி உயிர்காக்கும்
சென்னை: கடுமையான இதய நோயால் பாதிக்கப்பட்டிருக்கும் 13 வயது சிறுமியின் உயிரை காப்பாற்ற உதவுங்கள். சிறு உதவி கூட பெரிய மாற்றத்தை ஏற்படுத்தும்.
பிரபஞ்சத்தில் உயிர்கள் என்பது அதிசயமான ஒன்று. அதுவும் மனித உயிர்கள் என்பது மிகவும் அற்புதமானது. ஆனால் இந்த உயிர்களை காப்பது என்பது ஒவ்வொரு நாளும் பெரும் சவாலாக இருக்கிறது. அப்படியான ஒரு சவாலைத்தான் அரசு பள்ளியில் 8ம் வகுப்பு படிக்கும் 13 வயது சிறுமி ஸ்ரீமதி எதிர்கொண்டிருக்கிறார். இவரது குடும்பம் மிக சாதாரணமானது. ஸ்ரீமதி குழந்தையாக இருக்கும்போதே அவரது தந்தை, குடும்பத்தை விட்டு பிரிந்து சென்றுவிட்டார். இருப்பினும் தந்தை இல்லாத குறை தெரியாமல் தாய் சீதாலட்சுமி தனது மகளை வளர்த்து வந்திருக்கிறார்.
தாய்க்கு அவரது சகோதரர் துணை நின்று அனைத்து உதவிகளையும் செய்து வந்திருக்கிறார். அன்றாடம் வேலைக்கு சென்றுவிட்டு வீடு திரும்பும்போது ஸ்ரீமதியின் சிரிப்பை பார்த்தால் அத்தனை கஷ்டங்களும் பறந்து போய்விடும். இப்படியாக மகிழ்ச்சியுடன் குடும்பம் வாழ்ந்து வந்த நிலையில், அந்த நாள் வந்தது. அதாவது கடந்த இரண்டு மாதங்களுக்கு முன்னர் ஸ்ரீமதி பள்ளி முடித்துவிட்டு வீடு திரும்பியபோது வழக்கத்திற்கு மாறான சோர்வுடன் இருந்திருக்கிறார்.
சுவாசிப்பதில் தொடர் பிரச்னை ஏற்பட்டிருக்கிறது. தங்களுக்கு தெரிந்த அத்தனை மருத்துவத்தையும் பெற்றோர் செய்து பார்த்திருக்கின்றனர். ஆனால் பிரச்னை சரியாகவில்லை. பின்னர் மியாட் மருத்துவமனை சார்பில் நடத்தப்பட்ட முகாமில் பங்கேற்றிருந்தபோதுதான் உண்மை தெரிய வந்திருக்கிறது. அதாவது ஸ்ரீமதிக்கு பிறவி இதயநோய் இருந்திருக்கிறது. 'சப்பார்டிக் மெம்பிரேன்' எனப்படும் இது, ஒரு அரிய பிறவி நோயாகும். இதயத்தின் சுப்ரவால்வுலர் மிட்ரல் சவ்வு முதலில் பாதிக்கப்பட்டு பின்னர் இதயத்தின் முக்கியமான மூன்று பகுதிகளும் செயலிழக்க தொடங்கும்.
இதற்கு அறுவை சிகிச்சைதான் தீர்வாக சொல்லப்படுகிறது. ஆனால் அறுவை சிகிச்சை செய்ய ரூ.3.5 லட்சம் வரை செலவாகும். இவ்வளவு பெரிய தொகையை ஸ்ரீமதியின் குடும்பத்தினரால் திரட்ட முடியவில்லை. இருப்பினும் அவர்களுக்கு நம்பிக்கை இருக்கிறது. ஒரு சிறிய உதவி கூட பெரிய மாற்றத்தை ஏற்படுத்தும். எனவே தாமதிக்காதீர்கள். உடனடியாக 13 வயது சிறுமியின் உயிரை காப்பாற்ற உதவுங்கள்.
Click it and Unblock the Notifications
Sign in with Google