ஓசூரில் நடுரோட்டில் வைத்து பள்ளி மாணவியை கடுமையாக தாக்கிய வாலிபால் பயிற்சியாளர் கைது
ஓசூர்: ஓசூரில் நடுரோட்டில் பள்ளி மாணவியை அவருடைய வாலிபால் பயிற்சியாளர் கடுமையாக தாக்கும் வீடியோ வைரலான நிலையில் அந்த பயிற்சியாளர் சஸ்பெண்ட் செய்யப்பட்டது இல்லாமல் அவர் தற்போது கைது செய்யப்பட்டார்.
ஓசூர் பாகலூர் சாலையில் அமைந்துள்ள யோகி வேமனா பள்ளிக்கு மாவட்ட அளவிலான வாலிபால் போட்டியில் ஜான் போஸ்கோ பள்ளி மாணவிகள் பங்கேற்றனர். அவர்கள் வீடு திரும்பிய போது அந்த மாணவிகளில் ஒருவரை பயிற்சியாளர் தியாகராஜன் சரமாரியாக தாக்கிய வீடியோ வைரலாகியது.
அதாவது சாலையில் வைத்தே அந்த மாணவியை கடுமையாக தாக்கிய வீடியோ பெரும் அதிர்ச்சியை ஏற்படுத்தியது. இதுகுறித்து தியாகராஜன் கூறுகையில் அந்த மாணவி ஆசிரியை ஒருவரின் கைக்கடிகாரத்தை திருடிவிட்டார். இதனால் பெற்றோரிடம் அனுமதி பெற்று அந்த மாணவிக்கு தண்டனை கொடுத்தேன் என விளக்கம் அளித்துள்ளார்.
இந்த நிலையில் மாணவி மீதான தாக்குதல் குறித்த புகாரின் பேரில் அந்த பயிற்சியாளர் தியாகராஜன் சஸ்பெண்ட் செய்யப்பட்ட நிலையில் அவர் போலாஸாரால் கைது செய்யப்பட்டார்.
Click it and Unblock the Notifications
Sign in with Google