சம்பளம் மட்டும் ரூ.2 லட்சம்.. மொத்தம் ரூ.3.82 மாத வருமானம்.. ரோஜாவுக்கு சூப்பர் பதவி! ஜெகன் தாராளம்

ஹைதராபாத்: ஒய்எஸ்ஆர் காங்கிரஸ் எம்எல்ஏவான நடிகை, ரோஜாவுக்கு ஜாக்பாட் அடித்துள்ளது. மாதம், ரூ.2 லட்சம் ஊதியத்தில், அவருக்கு சூப்பர் பதவியொன்றை வழங்கியுள்ளார், முதல்வர் ஜெகன் மோகன் ரெட்டி.

90ஸ் தமிழ் திரையுலகில் தவிர்க்க முடியாத லேடி ஸ்டார் ரோஜா. கடந்த பல வருடங்களாக நடிப்புக்கு முழுக்கு போட்டுவிட்டு ஆந்திராவில் தீவிர அரசியலில் குதித்தார்.

ஆந்திராவின் நகரி தொகுதியில் 2வது முறையாக எம்எல்ஏவாக தேர்ந்தெடுக்கப்பட்டுள்ளார். இவர் சார்ந்த, ஒய்எஸ்ஆர் காங்கிரஸ்தான் இப்போது ஆந்திராவில் ஆளும் கட்சியாக உள்ளது.

இந்த நிலையில்தான், முதல்வர் ஜெகன் மோகன் ரெட்டி, ரோஜாவுக்கு, ஆந்திர மாநில தொழில்துறை உள்கட்டமைப்பு கழக தலைவர் பதவியை வாரி வழங்கியுள்ளார்.

அமைச்சராகுவார் என்று எதிர்பார்க்கப்பட்ட நிலையில், கேபினெட்டில் ரோஜாவுக்கு இடம் கிடைக்கவில்லை. ஆனால், அமைச்சர் பதவிக்கு ஈடாக இப்படி ஒரு பதவியை முதல்வர் வழங்கியுள்ளார். இது ரோஜா ஆதரவாளர்களை மகிழ்ச்சிக்குள்ளாக்கியுள்ளது. இது பழைய செய்திதான். ஆனால் அவரது சம்பள விவரம் இப்போதுதான் வெளியே வந்துள்ளது.

ரோஜாவுக்கு, மாத ஊதியமாக, ரூ.2 லட்சம் கிடைக்கும். வாகன படி என்பதன் கீழ் ரூ .60,000, தங்குமிடத்திற்கு ரூ .50000, தனிப்பட்ட சலுகையாக, ரூ. 70000, மொபைல் கட்டணங்களுக்கு ரூ.2000 ரோஜாவுக்கு வழங்கப்படும். ஆக மொத்தம், 3.82 லட்சம் ரூபாய் ரோஜாவுக்கு கிடைக்கப்போகிறது.

English summary

YSRCP MLA RK Roja, MLA from Nagari in the Andhra Pradesh nominated as the chairman of the APIIC and took the proceedings on July 15.