ஹைதராபாத் வன்புணர்வு.. 4 நாட்களாக கூகுளில் வீடியோவை தேடிய விஷமிகள்.. அதிர்ச்சி தரும் டேட்டா!
ஹைதராபாத்தில் கால்நடை மருத்துவர் கொலை செய்யப்பட்ட சம்பவம் குறித்த வீடியோவை கூகுளில் பலர் தேடி உள்ளனர்.
Recommended Video
ஹைதராபாத்: ஹைதராபாத்தில் கால்நடை மருத்துவர் கொலை செய்யப்பட்ட சம்பவம் குறித்த வீடியோவை கூகுளில் பலர் தேடி உள்ளனர். இது தொடர்பாக அதிர்ச்சி அளிக்கும் டேட்டா வெளியாகி உள்ளது.
ஹைதராபாத் வன்புணர்வு சம்பவம் இன்னும் மக்கள் மனதில் இருந்து நீங்கவில்லை . ஹைதராபாத்தில் 26 வயது கால்நடை மருத்துவர் கொலை செய்யப்பட்ட சம்பவம் நாட்டையே உலுக்கி உள்ளது. இந்த பிரச்சனை லோக்சபா மற்றம் ராஜ்யசபாவிலும் எதிரொலித்துள்ளது.
அவர் பாலியல் வன்புணர்வு செய்யப்பட்டு, பின் மோசமாக கொடுமைபடுத்தப்பட்டு கடந்த புதன் கிழமை மாலை கொலை செய்யப்பட்டார்.ஹைதராபாத்தின் சத்தனபள்ளி டோல் கேட் அருகே இந்த வன்புணர்வு சம்பவம் நடந்துள்ளது. அங்கிருந்து அந்த பெண்ணின் உடலை பெங்களூர் - ஹைதராபாத் ஹைவே கொண்டு சென்று அங்கு வைத்து எரித்துள்ளனர்.
புகைப்படம்
இந்த கொடூரம் நடந்த அன்றில் இருந்தே பலர் அந்த மருத்துவ பெண்மணி தொடர்பாக கூகுளில் தேடி இருக்கிறார்கள். அந்த பெண்ணின் புகைப்படத்தை பலர் தேடி தேடி பார்த்துள்ளனர். அதேபோல் அந்த பெண்ணின் பேஸ்புக் பக்கத்தை பலர் கூகுள் மூலம் தேடி உள்ளனர்.
என்ன வைரல்
இதனால் அந்த பெண்ணின் பெயர் (டேக்) கூகுள் தேடலில் வைரலாகி, அதிக முக்கியத்துவம் பெற்று இருக்கிறது. பலருக்கும் இது பெரிய அதிர்ச்சியை ஏற்படுத்தி இருக்கலாம். ஆனால் இன்னும் சில மோசமான விஷயங்களும் இதில் நடந்துள்ளது.
கூகுளில் தேடினார்களா
அதன்படி அந்த பெண்ணின் வீடியோ இணையத்தில் கிடைக்கிறதா என்று கூகுளில் தேடி உள்ளனர். ஆம் அந்த பெண்ணை பாலியல் வன்புணர்வு செய்த வீடியோ இணையத்தில் கிடைக்கிறதா என்று பலர் தேடி உள்ளனர். ஹைதராபாத் பெண் என்று கூகுளில் ஆங்கிலத்தில் டைப் செய்தாலே அவரின் வீடியோ குறித்த பரிந்துரைகள்தான் (suggestion) கூகுளில் அதிகம் காட்டி உள்ளது. இதற்கான கூகுள் டேக் டிரெண்ட்ஸ் ஆதாரங்களும் வெளியாகி உள்ளது.
மோசமான மனநிலை
பலரின் மோசமான மனநிலையை இது எடுத்துக்காட்டி உள்ளது. ஒரு பெண் கொடூரமாக வன்புணர்வு செய்யப்பட்டு , கொலை செய்யப்பட்டு தீ மூட்டப்பட்டு பின்பும் கூட அவரின் வீடியோவை ஆயிரக்கணக்கனோர் இணையத்தில் தேடி இருக்கிறார்கள். கூகுளின் இந்த புள்ளி விவரம் பெரும் அதிர்ச்சியை அளித்து இருக்கிறது.
Click it and Unblock the Notifications
Sign in with Google