ஆஹா வந்தாச்சே.. சந்திரயான் 3 எடுத்த நிலவின் அசத்தல் புகைப்படங்கள்.. வெளியிட்டது இஸ்ரோ

ஹைதராபாத்: நிலவின் தென் துருவ பகுதிகளை ஆய்வு செய்ய அனுப்பப்பட்டுள்ள சந்திரயான் 3 விண்கலத்திலிருந்து விக்ரம் லேண்டர் வெற்றிகரமாக பிரிக்கப்பட்டுள்ளது. இந்நிலையில் இந்த லேண்டர் தரையிறங்கும் இடத்தை தற்போது படமெடுத்து உறுதி செய்திருக்கிறது. விக்ரம் லேண்டர் எடுத்துள்ள இந்த படங்களை இஸ்ரோ வெளியிட்டுள்ளது.

நிலவில் நீர் இருப்பதற்கான ஆதாரங்களை இந்தியாவின் சந்திரயான் 1 விண்கலம் கண்டுபிடித்த பின்னர், நிலவை ஆக்கிரமிக்க சர்வதேச நாடுகள் பெரும் முயற்சிகளை மேற்கொண்டு வருகின்றன. இந்தியாவும் சந்திரயான் 2 விண்கலத்தில் ஒரு லேண்டரை வைத்து நிலவுக்கு அனுப்பி வைத்தது. எல்லாம் சரியாக நடந்திருந்த சமயத்தில் லேண்டர் நிலவில் தரையிறங்க முயன்றது. ஆனால் நிலவிலிருந்து 13 மீட்டர் உயரத்தில் இருந்தபோது ஏற்பட்ட தொழில்நுட்ப கோளாறு காரணமாக சந்திரயான் 2 விண்கலத்தின் பிரக்யான் ரோவர் நிலவில் மோதி உடைந்தது.

இதற்கு முக்கிய காரணம், தரையிறங்கும் போது வெளியான அதிக அளவிலான வெப்பம்தான். நிலவில் பிரக்யான் ரோவர் எந்த இடத்தில் தரையிறங்க வேண்டும் என்பதை விஞ்ஞானிகள் ஏற்கெனவே புரோகிராம் செய்து வைத்திருந்தனர். அதற்கான புகைப்படமும் பிரக்யான் ரோவரில் மெமரியில் பதியப்பட்டது. இப்படி இருக்கையில் சந்திரயான் 2 விண்கலத்திலிருந்து பிரிந்து நிலவை நோக்கி சென்ற பிரக்யான் ரோவர் நிலவின் எந்த பகுதியில் இறங்க வேண்டும் என்பதை போட்டோ எடுத்து ஒப்பிட வேண்டும்.

ஆனால் 13 மீட்டர் உயரத்தில் பிரக்யான் ரோவர் இருக்கும்போது அதிலிருந்து எரிபொருள் அதிகமாக வந்ததால் தொழில்நுட்ப கோளாறு ஏற்பட்டு இறங்க வேண்டிய இடத்தில் குழப்பம் உண்டானது. இப்படியாக பிரக்யான் ரோவர் நிலவில் மோதியது. ஆனால் இந்த முறை இந்த தவறை விக்ரம் லேண்டர் செய்யவில்லை. இறங்குவதற்கு சில நாட்கள் முன்கூட்டியே அது இறங்க வேண்டிய இடத்தை போட்டோ எடுத்து உறுதி செய்து, அதை பூமிக்கும் அனுப்பியுள்ளது.

Chandrayaan-3 Mission:

🌖 as captured by the
Lander Position Detection Camera (LPDC)
on August 15, 2023#Chandrayaan_3#Ch3 pic.twitter.com/nGgayU1QUS

— ISRO (@isro) August 18, 2023

இது லேண்டர் பொஷிஷன் டிடெக்ஷன் கேமிரா (LPDC) மூலம் எடுக்கப்பட்டிருக்கிறது. சந்திரயான் 3 விண்கலத்திலிருந்து பிரிந்த பின்னர் விக்ரம் லேண்டர் எடுத்த முதல் புகைப்படங்கள் இதுவாகும். இதனை இஸ்ரோ தற்போது வெளியிட்டிருக்கிறது. எனவே இந்த முறை விக்ரம் லேண்டர் சரியாக தரையிறங்கிவிடும் என விஞ்ஞானிகள் நம்பிக்கை தெரிவித்துள்ளனர்.

மேலும், நிலவின் மேற்பரப்பை லேண்டர் பொசிஷன் டிடெக்‌ஷன் கேமரா எடுத்த வீடியோவையும் இஸ்ரோ வெளியிட்டுள்ளது. நிலவின் மேற்பரப்பை துல்லியமாக படம் பிடித்துள்ளது. நிலவின் மேற்பரப்பில் காணப்படும் பள்ளங்கள் ஆகியவை தெளிவாக தெரிகின்றன. இந்த வீடியோவை பாருங்கள்.. நாம் தினம் தோறும் வானில் பார்த்து ரசிக்கும் நிலா, உண்மையில் எப்படி இருக்கிறது என தெரிந்து அசந்தே போவீர்கள்...

English summary

The Vikram lander has successfully separated from the Chandrayaan 3 spacecraft, which has been sent to explore the south polar regions of the Moon. In this case, the landing site of this lander has now been photographed and confirmed. ISRO has released these pictures taken by Vikram Lander.