மீண்டும் உருவான TRS! தெலங்கானா அரசியலில் புதிய அதிரடியை தொடங்கிய கவிதா!

Updated: Saturday, April 25, 2026, 11:44 [IST]

Subscribe to Oneindia Tamil

ஹைதராபாத்: தெலங்கானா அரசியலில் ஒரு முக்கியத் திருப்பமாக, பாரத் ராஷ்டிர சமிதி (BRS) கட்சியின் தலைவரும், முன்னாள் முதல்வர் கே.சந்திரசேகர் ராவின் மகளுமான கவிதா, இன்று 'தெலங்கானா ராஷ்டிர சேனா' (TRS) என்ற புதிய கட்சியைத் தொடங்கியுள்ளார்.

முன்னர், தெலங்கானா ராஷ்டிர சமிதி (TRS) என்ற பெயரில் இருந்த கட்சிதான், தேசிய அரசியலை நோக்கமாகக் கொண்டு பாரத் ராஷ்டிர சமிதி (BRS) எனப் பெயர் மாற்றப்பட்டது. இப்போது கவிதா அதே 'TRS' என்ற அடையாளத்தை மீண்டும் கையில் எடுத்துள்ளார்.

இது தெலங்கானா மாநில தனிநபர் அடையாளத்தையும், போராட்ட கால உணர்வுகளையும் மீண்டும் மக்களிடம் கொண்டு செல்லும் முயற்சியாகப் பார்க்கப்படுகிறது.

தெலங்கானா மாநில உருவாக்கத்திற்காகத் தொடங்கப்பட்ட தியாக உணர்வு மற்றும் பிராந்திய அடையாளத்தை மீட்டெடுப்பதே இந்தக் கட்சியின் நோக்கமாகக் கருதப்படுகிறது. பி.ஆர்.எஸ் (BRS) எனப் பெயர் மாற்றிய பிறகு, கட்சிக்கும் மக்களுக்குமான அந்த தெலங்கானா உணர்வு குறைந்ததாக எழுந்த விமர்சனங்களுக்குப் பதிலடியாக இது அமைந்துள்ளது.