செத்துப் போயிட்டியே "மேகி".. "கதறி" அழுது மெளன அஞ்சலி செலுத்தும் மக்கள்!

Updated: Thursday, June 11, 2015, 17:04 [IST]

Subscribe to Oneindia Tamil

எங்கு பார்த்தாலும் மேகி புராணமாக பாடி வருகிறார்கள் மக்கள். பாதிப் பேர் சந்தோஷமாக இருக்கிறார்கள். நிறையப் பேர் கவலை காட்டுகிறார்கள்.

மேகி இல்லாத வாழ்க்கை ஒரு வாழ்க்கையா என்று பலர் கிண்டலடிக்கிறார்கள். மேகியை தடை செய்தது சரியே என்று பலர் கச்சை கட்டி கிளம்புகிறார்கள்

இந்த நிலையில் ஒரு இரங்கல் வீடியோ வெளியாகி கலகலப்பை ஏற்படுத்தியுள்ளது.

2 நிமிட அஞ்சலி...

அது மேகிக்கு 2 நிமிடம் மெளன அஞ்சலி என்ற பெயரில் வெளியாகியுள்ள வீடியோவாகும். அதில் மேகி இல்லாத மக்களின் உணர்வுகளை வெளிப்படுத்துவதாக உள்ளது.

காமெடிக்காக உருவாக்கப்பட்டதுதான் என்றாலும் மக்களின் வாழ்க்கையில் மேகி படுத்தும் பாட்டை அழகுற வெளிப்படுத்துவதாக உள்ளது.

சின்னஞ்சிறார்கள், கல்லூரி மாணவ, மாணவியர், இளைஞர்கள், பெண்கள் என அனைத்துத் தரப்பினரும் மேகி இல்லாமல் சாப்பிட முடியாமல் திண்டாடுவதாக இது உள்ளது.

பல தாய்மார்கள், தங்களது பிள்ளைகளுக்கு மேகி கொடுக்க முடியவில்லையே என்று சோகத்தில் கதறி அழுகிறார்கள் இதில்.

பலர் மேகி இருப்பதாக நினைத்துக் கொண்டு வெறும் ஸ்பூனை வாயில் வைத்து பின்னர் சோகம் காட்டுகிறார்கள்.

பயங்கர காமெடி கலகலப்பாக இருக்கிறது இந்த வைரல் வீடியோ.

RIP மேகி!