கர்நாடகாவில் வாஷிங் மெஷினுக்குள் தவறி விழுந்து சிக்கிய 2 வயது குழந்தை: வீடியோ இதோ

குல்பர்கா: கர்நாடக மாநிலத்தில் வாஷிங் மெஷினுக்குள் சிக்கிக் கொண்ட 2 வயது ஆண் குழந்தை அக்கம்பக்கத்தினரின் உதவியோடு பத்திரமாக மீட்கப்பட்டுள்ளது.

கர்நாடக மாநிலம் குல்பர்காவில் பெண் ஒருவர் வியாழக்கிழமை வீட்டு வேலைகளை செய்வதில் பிசியாக இருந்துள்ளார். வேலையில் காட்டிய மும்முரத்தில் அவர் தனது 2 வயது ஆண் குழந்தையை கவனிக்க மறந்துவிட்டார்.

குழந்தை வாஷிங் மெஷினுக்குள் எட்டிப் பார்த்தபோது அதற்குள் தவறி விழுந்துவிட்டது. குழந்தை வாஷிங் மெஷினுக்குள் சிக்கி அழத் துவங்கியது. இதை பார்த்த தாய் ஓடி வந்து குழந்தையை வெளியே எடுக்க முயன்றும் முடியவில்லை.

இதையடுத்து அவர் அக்கம் பக்கத்தினரை உதவிக்கு அழைத்தார். அவர்கள் வந்து வாஷிங் மெஷினை வெட்டி துண்டு துண்டாக ஆக்கி குழந்தையை பத்திரமாக மீட்டனர்.

குழந்தையை மீட்கையில் எடுக்கப்பட்ட வீடியோ இணையதளத்தில் வெளியாகியுள்ளது. அந்த வீடியோ சமூக வலைதளங்களிலும் பலரால் பகிரப்பட்டு வருகிறது.

English summary

A two-year-old baby boy who got stuck in a washing machine in Karnataka has been rescued unhurt by neighbours.