இந்தியாவில் கால் பதித்த ஸ்டெல்த் ஓமிக்ரான்.. மத்திய பிரதேசத்தில் அடுத்தடுத்து பாதிப்பு -பரபர பின்னணி
போபால்: இந்தியாவில் ஸ்டெல்த் ஓமிக்ரான் எனப்படும் புதிய வகை கொரோனா பரவ தொடங்கி உள்ளது. இது கொரோனா வைரஸின் உட்பிரிவு ஆகும். மத்திய பிரதேசத்தில் ஸ்டெல்த் ஓமிக்ரான் கேஸ்கள் வேகமாக பரவ தொடங்கி உள்ளது.
ஓமிக்ரான் கொரோனாவின் உட்பிரிவான ஸ்டெல்த் வகை ஓமிக்ரான் கேஸ்கள் உலகம் முழுக்க 40+ நாடுகளில் பதிவாகி உள்ளது. இந்தியாவிலும் பதிவாக தொடங்கி உள்ளது. மத்திய பிரதேசத்தில் இதுவரை 22 கேஸ்கள் பதிவாகி உள்ளன.
அங்கு கடந்த 18 நாட்களில் 22 ஸ்டெல்த் வகை ஓமிக்ரான் பதிவாகி உள்ளதாக அம்மாநில சுகாதாரத்துறை தெரிவித்துள்ளது.
நேரடியாக தாக்கும்.. ஓமிக்ரான் நோயாளிகளுக்கு ஏற்படும் புது அறிகுறி.. வல்லுனர்கள் விடுக்கும் வார்னிங்!
இந்தியா ஓமிக்ரான்
இதில் கவனிக்க வேண்டிய விஷயம் அங்கு ஸ்டெல்த் ஓமிக்ரான் மூலம் பாதிக்கப்பட்டவர்களில் 6 பேர் குழந்தைகள் என்பது குறிப்பிடத்தக்கது. ஆர்டி பிசிஆர் சோதனையில் இந்த ஸ்டெல்த் ஓமிக்ரான் கொரோனா இருப்பதை உறுதி செய்யலாம். ஆனால் அது ஸ்டெல்த் வகை ஓமிக்ரானா என்று கண்டுபிடிக்க முடியாது. இதற்கு ஜீன் சோதனைதான் செய்ய வேண்டும்.
ஸ்டெல்த் ஓமிக்ரான்
மத்திய பிரதேசத்தில் ஸ்டெல்த் ஓமிக்ரான் பாதிக்கப்பட்ட 22 பேரில் 18 பேர் டிஸ்சார்ஜ் செய்யப்பட்டுள்ளனர். 4 பேர் மருத்துவமனையில் அனுமதிக்கப்பட்டுள்ளனர். 3 பேர் மட்டும் தீவிரமான பாதிப்பால் அவதிப்பட்டு வருகிறார்கள். இந்த ஸ்டெல்த் ஓமிக்ரான் என்பது ஓமிக்ரானின் உட்பிரிவு ஆகும். ஐரோப்பாவில் அதிக அளவில் இது பரவி வருகிறது. ஓமிக்ரானில் மொத்தமாக மூன்று உட்பிரிவு உள்ளது. அவை BA.1, BA.2, மற்றும் BA.3. இதில் இந்தியாவில் BA.1 பரவி வருகிறது.
ஓமிக்ரான் BA.2
ஓமிக்ரான் BA.2 என்பதுதான் ஸ்டெல்த் ஓமிக்ரான் ஆகும். இதை ஆராய்ச்சிக்கு உட்பட்ட ஓமிக்ரான் வகை என்று உலக சுகாதார மையம் தெரிவித்துள்ளது. ஓமிக்ரான் BA.1 மற்றும் BA.2 இரண்டுக்கும் ஒரே மாதிரியான 32 ஸ்டிரெயின் உள்ளது. அதே சமயம் BA.2 28 புதிய உருமாற்றங்களை பெற்று இருக்கலாம் என்று கூறப்படுகிறது. BA.1 வகை ஓமிக்ரானில் எஸ் ஜீன் இருக்காது. இதனால் ஆர்டி பிசிஆர் சோதனையில் எஸ் ஜீன் இல்லை என்றால் அதை ஓமிக்ரான் என்று கூறிவிடலாம்.
Recommended Video
ஆர்டி பிசிஆர்
ஆனால் BA.2 வகை ஓமிக்ரானில் எஸ் ஜீன் இருக்கும். இதனால் ஆர்டி பிசிஆர் சோதனையில் ஓமிக்ரான் தான் தாக்கி உள்ளதா என்று கண்டுபிடிக்க முடியாது. இதற்காக ஜீன் சோதனை செய்ய வேண்டும். அப்போதுதான் ஸ்டெல்த் வகை ஓமிக்ரானை கண்டறிய முடியும். இப்படி மறைந்து சீக்ரெட்டாக பரவுவதால் BA.2 வகை ஓமிக்ரானை ஸ்டெல்த் வகை ஓமிக்ரான் என்று அறிவித்துள்ளனர்.