3 கட்டங்களில் வெறும் 18 தொகுதிகளுக்கு மட்டும் தேர்தல்!

டெல்லி: லோக்சபா தேர்தலில் வடகிழக்கு மாநிலங்களின் 18 தொகுதிகளுக்காக மட்டுமே 3 கட்ட வாக்குப் பதிவு நடைபெறுகிறது.

டெல்லியில் இன்று செய்தியாளர்களிடம் பேசிய தலைமைத் தேர்தல் ஆணையர் சம்பத், நாடு முழுவதும் 9 கட்டமாக லோக்சபா தேர்தல் நடைபெறும் என்று அறிவித்தார். 9 கட்ட வாக்குப் பதிவு விவரங்களையும் அவர் தெரிவித்தார்.

இதில் 3 கட்ட வாக்குப் பதிவு மொத்தமே 18 தொகுதிகளுக்கு மட்டுமே உரியது. இவை அனைத்துமே வடகிழக்கு மாநில லோக்சபா தொகுதிகளாகும்.

முதல் கட்ட வாக்குப் பதிவு ஏப்ரல் 7-ந் தேதியன்று 5 தொகுதிகள் மற்றும் திரிபுராவின் ஒரு தொகுதிக்கு நடைபெறுகிறது.

2வது கட்ட வாக்குப் பதிவு ஏப்ரல் 9-ந் தேதியன்று அருணாசலப் பிரதேசத்தின் 2, மணிப்பூரின் 1 மற்றும் மேகலாயாவின் 2, மிசோரம்-1, நாகலாந்தின் ஒரு தொகுதிக்கு நடைபெறுகிறது.

4வது கட்ட வாக்குப் பதிவு ஏப்ரல் 12-ந் தேதியன்று வெறும் 5 தொகுதிகளுக்கு மட்டுமே நடைபெறுகிறது. அசாமின் 3, சிக்கிமின் 1, திரிபுராவின் ஒரு தொகுதிக்கு மட்டுமே வாக்குப் பதிவு நடைபெறுகிறது.

வடகிழக்கு மாநிலங்களில் மாலை 3 மணிக்கே கடுமையாக இருட்டிவிடும். இதனால் வடகிழக்கு மாநிலங்களின் காலநிலை, பாதுகாப்பு அம்சங்கள், போக்குவரத்து வசதிகளைக் கருத்தில் கொண்டு தேர்தல் இப்படி பல கட்டங்களாக பிரிக்கப்பட்டுள்ளது.

English summary

The Chief Election Commissioner VS Sampath announces commencement of Lok Sabha polls on today. Its 3 phases cover only 18 LS constituencies in North East states.