'ஜோக்கர்' படத்திற்கான தேசிய விருதை பெற்றார் இயக்குநர் ராஜூமுருகன்

சிறந்த தமிழ் படத்திற்கான தேசிய விருது ஜோக்கர் படத்திற்கு கிடைத்துள்ளது.

By Karthikeyan

Updated: Wednesday, May 3, 2017, 20:13 [IST]

Subscribe to Oneindia Tamil

டெல்லி: சிறந்த தமிழ் படத்திற்கான தேசிய விருது ஜோக்கர் திரைப்படத்திற்கு வழங்கப்பட்டது. இயக்குநர் ராஜூமுருகன் விருதை பெற்றுக்கொண்டார்.

64வது தேசிய திரைப்பட விருதுகள் வழங்கும் விழா டெல்லி விஞ்ஞான் பவனில் இன்று மாலை நடைபெற்றது. குடியரசுத் தலைவர் பிரணாப் முகர்ஜி விருதுகளை வழங்கினார்.

64th National Awards: joker film gets best national award

சிறந்த தமிழ் படத்திற்கான விருது ராஜு முருகன் இயக்கத்தில் குரு சோமசுந்தரம் நடிப்பில் வெளியான ஜோக்கர் படத்திற்கு வழங்கப்பட்டது.

இதே படத்தில் "ஜாஸ் மீனு" என்ற பாடலை பாடியதற்காக சிறந்த பாடகருக்கான விருது சுந்தர் ஐயருக்கு வழங்கப்பட்டது.

சிறந்த பாடகருக்கான விருது பெறுவதற்கு முன்பு, ஜாஸ்மீனு பாடலை சுந்தர் ஐயர் அரங்கில் பாடி அசத்தினார். இவை தவிர ஜனதா கேரேஜ் என்ற தெலுங்கு படத்திற்காக சிறந்த நடன அமைப்பாளர் விருதை ராஜு சுந்தரம் பெற்றார். விழாவில் மத்திய அமைச்சர்கள் வெங்கையா நாயுடு மற்றும் ராஜவர்தன் சிங் ரத்தோர் ஆகியோரும் விழாவில் கலந்து கொண்டனர்.