லாரி மீது இன்னோவா கார் மோதி 7 பேர் பலி.. கர்நாடகாவில் சோகம்

ஷிமோகா: கர்நாடக மாநிலம் ஷிமோகா அருகே, லாரி மீது இன்னோவா கார் மோதிய விபத்தில், காரில் பயணித்த 7 பேரும் சம்பவ இடத்திலேயே உயிரிழந்துள்ளனர்.

ஷிமோகா அருகே, சாகர் ரோடு அருகே இந்த சம்பவம் நடந்துள்ளது. மரங்களை ஏற்றிச் சென்ற லாரியின் பின்னால் வேகமாக வந்த இன்னோவா கார் மோதியதில் மரங்கள் கார் மீது சரிந்துள்ளன. மோதிய வேகத்திலும், மரங்கள் விழுந்ததாலும், கார் சுக்குநூறாக நொறுங்கியது. இதில் சம்பவ இடத்திலேயே காரில் இருந்த 7 பேரும் உயிரிழந்தனர்.

இறந்தவர்களில், மாகடியை சேர்ந்த மது, பிரவீன், பெங்களூரை சேரந்த ஸ்ரீதர், ஷிகாரிபுராவை சேர்ந்த ராகேவந்திரா, சோரடி பகுதியை சேர்ந்த மஞ்சுநாத் ஆகியோரின் பெயர்கள் வெளியாகியுள்ளது. திருமண நிகழ்ச்சியொன்றில் பங்கேற்க சென்றபோது, இந்த சம்பவம் நடந்துள்ளதாக தகவல்கள் தெரிவிக்கின்றன.

English summary

At least seven people have been killed in a car accident near the Shimoga town of Karnataka.