பதவியேற்பு விழாவில் ராஜபக்சே உள்ளிட்ட 7 நாட்டு தலைவர்கள் பங்கேற்பு! விருந்தளிக்கிறார் மோடி!!

டெல்லி: பதவியேற்பு விழாவுக்கு வருகை தரும் ராஜபக்சே உள்ளிட்ட 7 நாடுகளின் தலைவர்களுக்கு பிரதமராக பொறுப்பேற்கும் நரேந்திர மோடி விருந்தளிக்க இருக்கிறார்.

டெல்லியில் வெளியுறவுத் துறை அமைச்சக செய்தித் தொடர்பாளர் சையத் அக்பருதீன் செய்தியாளர்களிடம் கூறியதாவது:

மோடியின் பதவியேற்பு விழாவிற்கு 8 நாடுகளின் தலைவர்களுக்கு இந்தியா அழைப்பு விடுத்துள்ளது. பாகிஸ்தானை தவிர மற்ற ஆப்கானிஸ்தான், இலங்கை, மொரீஷியஸ், மாலத்தீவுகள், வங்கதேசம், பூட்டான், நேபாளம் ஆகிய 7 நாடுகளும் மோடி பதவியேற்பு நிகழ்ச்சியில் பங்கேற்பதை உறுதி செய்துவிட்டன.

26ம் தேதி பதவியேற்பு விழா முடிந்தவுடன் வெளிநாட்டு தலைவர்களுக்கு அன்றிரவு விருந்து அளிக்க மோடி முடிவு செய்துள்ளார். வடக்கு மாகாண முதல்வரை அழைத்து வருவது ராஜபக்சேவின் விருப்பத்திற்கு உட்பட்டது.

இவ்வாறு சையத் அக்பருதீன் கூறினார்.

English summary

MEA spokesperson Syed Akbaruddin said, Afghanistan,Sri Lanka,Mauritius, Maldives, Bangladesh,Bhutan & Nepal have confirmed the invitation for PM oath ceremony.