நாகலாந்தில் 6 தீவிரவாதிகள் சுட்டுக்கொலை... தேடுதல் வேட்டையில் இந்திய ராணுவம் அதிரடி
கோஹிமா : நாகலாந்தில் நேற்று ராணுவம் நடத்திய அதிரடி தேடுதல் வேட்டையின்போது, என்.எஸ்.சி.என்.-கே அமைப்பைச் சேர்ந்த 6 தீவிரவாதிகள் சுட்டுக்கொல்லப்பட்டனர்.
நாகலாந்தில் அரசுக்கு எதிராக செயல்பட்டு வந்த நாகலாந்து தேசிய சோசலிச கவுன்சிலுடன் மத்திய அரசு அண்மையில் அமைதி ஒப்பந்தம் மேற்கொண்டது.
இந்த அமைதி ஒப்பந்தத்தை நாகலாந்து தேசிய சோசலிச கவுன்சில்-கப்ளாங் குழு (என்.எஸ்.சி.என்.-கே) ஏற்க மறுத்து தொடர்ந்து சட்டவிரோத நடவடிக்கையில் ஈடுபட்டு வந்தது.
இந்நிலையில், டியூயன்சங் மாவட்டத்தில் நேற்று ராணுவத்திற்கும், அந்த அமைப்பினருக்கும் இடையே நடந்த சண்டையில் 6 தீவிரவாதிகள் கொல்லப்பட்டதாகவும், 2 பேர் காயமடைந்ததாகவும் ராணுவத் தரப்பில் தெரிவிக்கப்பட்டுள்ளது.
மணிப்பூரில் ஜூன் மாதம் ராணுவ வாகனங்கள் மீது தாக்குதல் நடத்தி 18 வீரர்களை படுகொலை செய்ததையடுத்து, என்.எஸ்.சி.என்.-கே அமைப்பினருக்கு எதிரான நடவடிக்கையை பாதுகாப்பு படையினர் தீவிரப்படுத்தி உள்ளது குறிப்பிடத்தக்கது.
Click it and Unblock the Notifications
Sign in with Google