டெல்லியில் புதிய பிரதமர் மோடிக்கு பங்களா ரெடி

டெல்லி: பிரதமராக பதவியேற்கும் மோடிக்கு டெல்லி ரேஸ்கோர்ஸ் சாலையில் பங்களா தயாராக உள்ளது.

டெல்லி ரேஸ்கோர்க்ஸ சாலையில் உள்ள பங்களாக்கள் தான் பிரதமர்களுக்கு ஒதுக்கப்படும். மன்மோகன் சிங் ரேஸ்கோர்ஸ் சாலையில் உள்ள 3ம் எண் கொண்ட பங்களாவில் தங்கியுள்ளார். பிரதமர் பதவியை ராஜினாமா செய்துள்ள அவருக்கு மோதிலால் நேரு மார்க்கில் உள்ள 3-ம் எண் கொண்ட வீடு ஒதுக்கப்பட்டுள்ளது. அங்கு சீரமைப்பு பணிகள் நடந்து வருகிறது.

இந்நிலையில் புதிதாக பிரதமர் பதவி ஏற்கும் மோடிக்கு ரேஸ்கோர்ஸ் சாலையில் 5வது எண் கொண்ட பங்களா ஒதுக்கப்பட்டுள்ளது. அவர் பதவியேற்றதும் இந்த பங்களாவில் வந்து குடியேறலாம். இந்த பங்களாவை மமன்மோகன் சிங் விருந்தினர் இல்லமாக பயன்படுத்தி வந்தார் என்பது குறிப்பிடத்தக்கது.

ரேஸ்கோர்ஸ் சாலையில் உள்ள 7ம் எண் கொண்ட பங்களாவில் குடியேறிய முதல் பிரதமர் ராஜீவ் காந்தி ஆவார். அதில் இருந்து அந்த பங்களா பிரதமரின் அதிகாரப்பூர்வ அலுவலகமாக மாற்றப்பட்டது. வாஜ்பாய் பிரதமராக இருந்தபோது ரேஸ்கோர்ஸ் சாலையில் உள்ள பங்களாக்களில் சீரமைப்பு பணிகள் மேற்கொண்டார். அதனால் அந்த பங்களாக்களை சீரமைக்க தேவையில்லை என்று பொதுப்பணித்துறை அதிகாரி ஒருவர் தெரிவித்தார்.

English summary

Bunglaow no: 5 in racecourse road in Delhi is allotted to Modi who is going to take oath as the new prime minister.