"கப்பு" பயலுக.... 70% மும்பை ஐஐடி மாணவர்கள் டெய்லியும் குளிப்பதில்லையாம்!

மும்பை: மும்பை ஐ.ஐ.டி.யில் பயிலும் மாணவர்களில் 70% பேர் நாள்தோறும் குளிப்பதே இல்லை என்று ஆய்வறிக்கை ஒன்றில் சுவாரசிய தகவல் வெளியாகி உள்ளது.

மும்பை ஐஐடி மாணவர்களே நடத்தும் பத்திரிகைக்காக ஒரு ஆய்வு நடத்தப்பட்டது. அந்த ஆய்வின் முடிவில் வெளியிடப்பட்ட சுவாரசிய தகவல்கள்:

நாள்தோறும் குளியல் இல்லை

ஐஐடியில் விடுதியில் தங்கி உள்ள மாணவர்களில் 30% பேர் மட்டுமே நாள்தோறும் குளிக்கின்றனர். மற்றவர்கள் எல்லாம் 10 நாளுக்கு ஒருமுறை, வாரத்துக்கு 2 அல்லது 3 முறைதான் குளிக்கின்றனராம்.

70% பேர் குளிப்பதே இல்லை

அதாவது 70% மாணவர்கள் நாள்தோறும் குளிப்பதே இல்லை. மேலும் 10% பேர்தான் வாரத்துக்கு ஒரு முறை குளியல் போடுகின்றனர். அதுவும் துர்நாற்றம் அடித்தால்தான் இந்த குளியலும் கூடவாம்...

எப்போதாவது

மேலும் 2 அல்லது 3 நாளுக்கு அல்லது எப்போதாவது ஒருமுறை குளிப்பதாக 56% ஐஐடி மாணவர்கள் கூறியுள்ளனர். ஐஐடி மாணவர்கள் இதை சர்வேயில் வெளிப்படையாகவே ஒப்புக் கொண்டிருக்கின்றனர்.

வித் அவுட் கேஸுகள்

70% மாணவர்கள் ரயில்களில் டிக்கெட் எடுக்காமல் வித் அவுட்டில்தான் செல்கின்றனர். 30% மாணவர்கள்தான் ரெகுலராக டிக்கெட் எடுப்பவர்களாம்.

மது பழக்கம்

ஐஐடிக்கு வந்த பின்னரே மது அருந்த பழகியதாக பெரும்பாலான மாணவர்கள் தெரிவித்தனர். இதில் 33.1% மாணவர்கள் எப்போதாவது மது அருந்துவதாக கூறியுள்ளனர். மேலும் பட்டம் பெற்றபின் 40% விடுதி மாணவர்கள், நண்பர்களுடன் தங்க விரும்புவதா தெரிவித்துள்ளனர்.

கட் அடிப்போர்தான் ஜாஸ்தி

ஐஐடி மாணவர்களில் 39.75 % பேர் பெரும்பாலான வகுப்புகளில் பங்கேற்பதாக கூறியுள்ளனர். ஆனால் 32.5 % மாணவர்கள் சில வகுப்புகளில் மட்டுமே பங்கேற்பதாகவும் கூறினர். 7.5 % மாணவர்கள் மட்டுமே ஒரு வகுப்பு கூட தவறாமல் பங்கேற்றுள்ளனர்.

நூலகம் எங்கே

இவர்களில் 16.2% மாணவர்கள் ஐஐடி வளாகத்தில் உள்ள நூலகத்தின் வாசலுக்கு கூட ஒருநாளும் சென்றதில்லையாம். அதாவது ஐஐடியில் படித்தும் நூலகம் எங்கே என்று கேட்கும் கேட்டகிரி இவர்கள்தான்.0

English summary

According to survey conducted by IIT-B, approximately 70% of the respondents did not bathe daily.