மோடி அமைச்சரவை விரிவுபடுத்தப்பட்டது... 9 அமைச்சர்கள் பதவியேற்றனர்
டெல்லி: பிரதமர் நரேந்திர மோடி தலைமையிலான மத்திய அமைச்சரவையில் இன்று மாற்றம் செய்யப்பட்டது. 4 இணை அமைச்சர்கள் கேபினட் அமைச்சர்களாக பதவியேற்றனர். இவர்கள் தவிர புதிதாக 9 அமைச்சர்கள் பதவியேற்றனர்.
அஸ்வின் குமார் செளபே, சத்யபால் சிங், ஷிவ் பிரதாப் சுக்லா,ராஜ்குமார் சிங், வீரேந்திர குமார்,ஹர்தீப் சிங் புரி,கஜேந்திர சிங் ஷெகவாத், அனந்தகுமார், அல்போன்ஸ் ஆகிய 9 பேர் அமைச்சர்களாக பதவியேற்றனர்.
பிரதமர் நரேந்திர மோடி தலைமையிலான தேசிய ஜனநாயக கூட்டணி அரசு கடந்த 2014 மே மாதம் பதவியேற்றது. இதுவரை 2 முறை மத்திய அமைச்சரவையில் மாற்றம் செய்யப்பட்டுள்ளது. தற்போது 3வது முறையாக ஞாயிறன்று அமைச்சரவை மாற்றி அமைக்கப்பட்டுள்ளது.
மத்திய அமைச்சரவையில் இதுவரை 72 அமைச்சர்கள் இருந்தனர். லோக்சபா உறுப்பினர் எண்ணிக்கையில் 15 சதவீதம் வரை அமைச்சர்களை நியமிக்கலாம். புதிய அமைச்சர்கள் 9 பேரையும் சேர்த்து தற்போது 81 அமைச்சர்களாக எண்ணிக்கை உயர்ந்துள்ளது.
அமைச்சரவை மாற்றத்தை முடித்த கையோடு இன்று மாலை பிரதமர் மோடி சீனாவுக்குச் செல்கிறார். அங்கு பிரிக்ஸ் மாநாட்டில் கலந்து கொள்கிறார்.
Click it and Unblock the Notifications
Sign in with Google