நாடு முழுவதும் 906 ஐபிஎஸ் பணியிடங்கள் காலி - முதலிடத்தில் உ.பி!

டெல்லி: இந்தியா முழுவதும் கிட்டதட்ட 906 ஐ.பி.எஸ் பணி இடங்கள் காலியாக உள்ளதாக உள்துறை அமைச்சகம் செய்தி வெளியிட்டுள்ளது.

நாடு முழுவதும் மொத்தமாக 4,754 ஐ.பி.எஸ். பணியிடங்கள் உள்ளன. இதில் 3,848 பணியிடங்கள் மட்டுமே இதுவரையில் நிரப்பப்பட்டு, அதிகாரிகள் பணியாற்றி வருகிறார்கள்.

கடந்த ஜனவரி மாதம் முதல் 906 ஐ.பி.எஸ் பணியிடங்கள் நிரப்பப்படாமல் காலியாக இருப்பதாக உள்துறை அமைச்சக புள்ளிவிவரங்கள் தெரிவிக்கின்றன. இதில் அதிக அளவாக உத்தரபிரதேசத்தில் மொத்தம் உள்ள 517 ஐ.பி.எஸ் பணி இடங்களில் 129 இடங்கள் நிரப்பப்படாமல் உள்ளன.

மேற்கு வங்காளத்தில் 98 இடங்களும், ஒடிசாவில் 79 இடங்களும், மகாராஷ்டிராவில் 62 இடங்களும், கர்நாடகாவில் 59 இடங்களும், யூனியன் பிரதேசங்களில் 53 பணியிடங்களும் காலியாக உள்ளதாக தெரிவிக்கப்பட்டுள்ளது.

English summary

More than 900 posts of IPS officers are lying vacant in the country, the highest being in Uttar Pradesh where 129 posts of senior police officers are yet to be filled.