அமெரிக்காவில் இருந்து வாட்ஸ் ஆப் மூலமாக மனைவியை டைவர்ஸ் செய்த ஹைதராபாத் இளைஞர்!

தெலுங்கானா மாநிலம் ஹைதராபாதைச் சேர்ந்த ஒருவர் அமெரிக்காவில் இருந்து கொண்டு இந்தியாவில் உள்ள தனது மனைவியை விவாகரத்து செய்துள்ளது அதிர்ச்சியை ஏற்படுத்தியுள்ளது.

ஹைதராபாத்: அமெரிக்காவில் இருந்து ஹைதரபாதில் உள்ள தனது மனைவிக்கு மூன்று முறை தலாக் (விவாகரத்து) கூறி தனது இல்லற வாழ்க்கையை வாட்ஸ் ஆப்பிலேயே முறித்து கொண்டார். இந்தச் சம்பவம் பெரும் அதிர்ச்சியை ஏற்படுத்தியுள்ளது.

ஹைதரபாதைச் சேர்ந்த ஹுசைன் குரேஷியும், மஹ்ரீனும் கடந்த 2015-இல் திருமணம் செய்து கொண்டனர். அமெரிக்காவின் நியூயார்க்கில் மருந்து நிறுவனம் ஒன்றில் ஹுசைன் பணியாற்றி வருகிறார்.

அவர் அங்கிருந்தபடியே ஹைதராபாதில் உள்ள தனது மனைவி மஹ்ரீனுக்கு மூன்று முறை தலாக் கூறி விவகாரத்து செய்வதாகா வாட்ஸ் ஆப்பில் தகவல் அனுப்பியுள்ளார். வாட்ஸ் ஆப்பில் வாழ்க்கையை இளைஞர் ஒருவர் முறித்துக் கொண்ட சம்பவம் கடும் அதிர்ச்சியை ஏற்படுத்தியுள்ளது.

English summary

A Muslim man who is working in New York has divorced his wife who is in India by saying talaq three times and sent it through Whats App.