மகனுக்காக கிறிஸ்துமஸ் தாத்தா வேடமிட்ட அமீர் கான்!

மும்பை: தன் மகன் ஆசாத்திற்காக நடிகர் அமீர் கான் கிறிஸ்துமஸ் தாத்தாவாக வேடமிட்டு, பரிசுகளை வாரி வழங்கியுள்ளார்.

பாலிவுட்டில் முன்னணி நாயகர்களுள் ஒருவராக இருப்பவர் அமீர்கான். வெள்ளித் திரை மூலம் கோடானுகோடி ரசிகர்களை மகிழ வைக்கும் இவர், கிறிஸ்துமஸ் பண்டிகையை ஒட்டி தனது மகன் ஆசாத்தை மகிழ்விக்க விரும்பினார்.

இதற்காக ஆசாத் மற்றும் அவனது நண்பர்களை வைத்து வீட்டில் கிறிஸ்துமஸ் விழா ஒன்றை நடத்தினார்.

கிறிஸ்துமஸ் தாத்தா...

இதில், கிறிஸ்துமஸ் தாத்தா வேடமணிந்து வந்து அனைவரையும் மகிழ்ச்சியில் ஆழ்த்தினார் அமீர்.

பரிசுப் பொருட்கள்...

அதோடு, விருந்தில் கலந்து கொண்ட குழந்தைகளுக்கு பரிசுப் பொருட்களையும் வழங்கி மகிழ்ச்சியில் ஆழ்த்தினார் அவர்.

பேஸ்புக்...

இதுதொடர்பாக, தனது பேஸ்புக் பக்கத்தில் அவர் சில படங்களைப் பதிவேற்றம் செய்துள்ளார். கூடவே, "எங்கள் வீட்டில் ஆண்டுதோறும் நடைபெறும் கிறிஸ்துமஸ் விழாவுக்காக சாண்டா கிளாஸ் வேடத்தில் கிறிஸ்துமஸ் தாத்தாவாக நடித்துவிட்டு வந்தேன்" என்றும் அவர் குறிப்பிட்டுள்ளார்.

20000 லைக்ஸ்...

அமீர்கானின் இந்தப் பதிவை 20 ஆயிரத்திற்கும் மேற்பட்டோர் லைக் செய்துள்ளனர். கிட்டத்தட்ட ஆயிரம் பேர் ஷேர் செய்துள்ளர்.

English summary

The “PK” star took to Facebook where he wished everyone on the happy occassion and also shared photographs, where he was seen donning a santa suit, beard and round glasses.