லடாக்கில் சிக்கி தவிக்கும் நடிகர் மாதவன்.. இன்ஸ்டாவில் போட்ட ஸ்டோரி.. பின்னணி என்ன?

ஜம்மு காஷ்மீர்: கடும் மழையின் காரணமாக லடாக்கில் உள்ள லே பகுதியில் நடிகர் மாதவன் சிக்கி தவித்து வருகிறார். கடந்த 2008 ம் ஆண்டில் கடும் பனிப்பொழிவால் அவர் லடாக்கில் சிக்கி தவித்த நிலையில் தற்போது லடாக்கின் லே நகரில் சிக்கி தவித்து வருகிறார். விமானம் இல்லை. இதனால் ஊர் திரும்ப முடியவில்லை என்று அவர் தனது இன்ஸ்டாகிராமில் தெரிவித்துள்ளார்.

ஜம்மு காஷ்மீரில் தற்போது கனமழை பெய்து வருகிறது. அதேபோல் லடாக் பிரதேசத்திலும் கனமழை வெளுத்து வாங்கி வருகிறது. ஜம்மு காஷ்மீரில் திடீரென மேகவெடிப்பு ஏற்பட்டு அதிகளவில் மழை பெய்து வருகிறது.

இந்த மழையின் காரணமாக அங்குள்ள அணைகள் நிரம்பி, ஆறுகளில் வெள்ளம் பெருக்கெடுத்து ஓடுகிறது. பல குடியிருப்புகளை வெள்ளம் சூழ்ந்துள்ளது. அங்கு மீட்பு பணிகள் தொடர்ந்து நடந்து வருகின்றன. இருப்பினும் மழை தொடர்வதால் மீட்பு பணியில் தொய்வு ஏற்பட்டுள்ளது. மக்கள் பெரிதும் சிரமப்பட்டு வருகின்றனர்.

இந்நிலையில் தான் நடிகர் மாதவன் லடாக்கின் லே - பகுதியில் சிக்கி தவித்து வருகிறார். இதுதொடர்பாக நடிகர் மாதவன் தனது இன்ஸ்டாகிராம் பக்கத்தில் கூறியுள்ளதாவது: ‛‛மீண்டும் லே-வில் சிக்கி உள்ளேன். இங்கு விமானங்கள் இல்லை. 17 ஆண்டுகளுக்கு பிறகு இப்படி நடந்துள்ளது’’ என்று கூறினார்.

மேலும் அவர் தனது ஸ்டோரியில் பனி மூடிய மலைகள், மழைக்கான மேகமூட்டம் உள்ளிட்டவற்றை வீடியோவாக எடுத்து பதிவிட்டு இருந்தார். அதில் மாதவன் லே-வின் காலநிலை பற்றி கூறியுள்ளார். இதுதொடர்பாக மாதவன், கடந்த 4 நாட்களாக தொடர்ந்து மழை பெய்து வருகிறது. இதனால் லே விமான நிலையம் மூடப்பட்டது. விமானங்கள் இன்றி வீடு திரும்ப முடியவில்லை.

லடாக்கில் நான் படப்பிடிப்புக்கு வரும்போதெல்லாம் இப்படி தான் நடக்கிறது. கடந்த 2008 ம் ஆண்டு லடாக்கின் பாங்காங் ஏரியில் 3 இடியட்ஸ் படப்பிடிப்புக்கா வந்தபோது பனிப்பொழிவில் சிக்கினேன்.இப்போதும் அதே நிலை தான். 17 ஆண்டுக்கு பிறகு லே-யில் சிக்கி இருக்கிறோம். விரைவில் வானம் தெளிவாகும். வீடு வந்து சேருவேன் என்று நம்புகிறேன்'' என கூறியுள்ளார்.

இந்த வீடியோவை நடிகர் மாதவன் இந்த வீடியோவை தான் தங்கியிருக்கும் ஹோட்டல் அறையில் இருந்து எடுத்துள்ளார். இருப்பினும் அவர் எந்த படப்பிடிப்புக்காக அங்கு சென்றார்? எப்போதும் வீடு திரும்புவார்? என்பது பற்றிய விவரம் இன்னும் வெளியாகவில்லை.

English summary

Actor Madhavan is stranded in Leh, Ladakh due to heavy rains. He was stranded in Ladakh due to heavy snowfall in 2008 and is currently stranded in Leh, Ladakh. There is no flight. He has said on his Instagram that he has not been able to return home due to this.