எம்.எல்.ஏவான நடிகை ரோஜா: திருப்பதியில் மொட்ட போட்ட கணவர் ஆர்.கே.செல்வமணி

திருப்பதி: மனைவி ரோஜா நகரி தொகுதியில் போட்டியிட்டு எம்.எல்.ஏ ஆனதற்காக திருப்பதி பாலாஜிக்கு மொட்டை போட்டு நன்றியை தெரிவித்துள்ளார் கணவர் ஆர்.கே.செல்வமணி.

ஆந்திராவில் நடந்த சட்டமன்ற தேர்தலில் ஒய்.எஸ்.ஆர். காங்கிரஸ் சார்பில் நகரி தொகுதியில் போட்டியிட்டார் நடிகை ரோஜா. இதில் 858 ஓட்டுக்கள் வித்தியாசத்தில் வெற்றி பெற்றார்.

ஏற்கனவே 2004 மற்றும் 2009ல் நடந்த சட்டமன்ற தேர்தலில் ரோஜா போட்டியிட்டு தோல்வி கண்டார். மூன்றாவது தடவை அவருக்கு வெற்றி கிட்டியுள்ளது. இதனால் ஆனந்த கண்ணீரோடு தொகுதிவாசிகளுக்கு நன்றி கூறி வருகிறார் நடிகை ரோஜா.

திருப்பதியில் ரோஜா

அதே மகிழ்ச்சியோடு கணவர் டைரக்டர் செல்வமணி மற்றும் குடும்பத்தினருடன் நேற்று ரோஜா திருப்பதி கோவிலுக்கு சென்றார். வெங்கடாசலபதிக்கு வேண்டுதலை நிறைவேற்றினார்.

மொட்டை போட்ட செல்வமணி

ரோஜா வெற்றி பெற்றதற்காக கோவிலில் டைரக்டர் செல்வமணி மொட்டை போட்டு முடிகாணிக்கை செலுத்தினார். அவருடன் மகனும் மொட்டை போட்டார். கோவிலில் சாமிதரிசனம் செய்தனர்.

உழைத்த தொண்டர்கள்

சாமி கும்பிட்டு விட்டு வெளியே வந்த ரோஜா செய்தியாளர்களிடம் பேசினார். அப்போது, நகரி தொகுதியில் என் வெற்றிக்காக கட்சி தொண்டர்களும் எனது குடும்பத்தினரும் கடுமையாக உழைத்தனர். என்றார்.

வெற்றி பெற்றதற்காக திருப்பதி கோவிலுக்கு வந்து சாமி தரிசனம் செய்தேன். என் வெற்றிக்காக பாடுபட்ட எல்லோருக்கும் நன்றி என்று கூறினார் ரோஜா.

English summary

Actress and YSRC MLA Roja’s Husband Selvamani has tonsured his head in Tirupathi for his Wife’s Victory.