அமர்சிங்கை ஆதரித்து திறந்த ஜீப்பில் ஸ்ரீதேவி பிரசாரம்

| Published: Wednesday, April 9, 2014, 14:10 [IST]

பதேப்பூர் சிக்ரி: தமிழ்நாட்டில் நடிகர், நடிகைகள் வரிந்து கட்டிக் கொண்டு அரசியல் கட்சிகளுக்காக பிரச்சாரம் செய்து வருகின்றனர்.

இதற்கு நாங்களும் சளைத்தவர்கள் இல்லை என்று பிரச்சார களத்தில் குதித்துள்ளனர் பாலிவுட் நட்சத்திரங்களும்.

இப்பட்டியலில் புதியதாக இணைந்துள்ளார் 80களில் மக்களின் மனம் கவர்ந்த நடிகையான ஸ்ரீதேவி.

மீண்டும் ஸ்ரீதேவி:

போனிகபூரை திருமணம் செய்து இரண்டு குழந்தைகளுடன் செட்டில் ஆன ஸ்ரீதேவி மீண்டும் "இங்கிலீஸ் விங்க்லீஸ்" படம் மூலம் திரும்பி வந்தார்.

வடக்கில் ஸ்ரீதேவியும் பிரச்சாரம்:

இப்போது தென் மாநில நடிகர்களுக்கு இணையாக வடமாநிலங்களிலும் நடிகர், நடிகைகள் தேர்தல் பிரசாரத்தில் குதித்துள்ளனர்.

லோக்தளத்துக்கு ஆதரவு:

இந்த வரிசையில் தற்போது நடிகை ஸ்ரீதேவியும் பிரசாரத்தில் ஈடுபட்டுள்ளார்.அவர் தற்போது ராஷ்டிரிய லோக்தளம் கட்சியை ஆதரித்து வருகின்றார்.

அமர்சிங்க்கு ஆதரவு:

உத்தரப்பிரதேச மாநிலம் பதேப்பூர் சிக்ரி தொகுதியில் போட்டியிடும் ராஷ்டிரிய லோக்தளம் கட்சி தலைவர் அமர்சிங்கை ஆதரித்து திறந்த ஜீப்பில் சென்று ஆதரவு திரட்டினார்.