அதானி க்ரீன் டாக்ஸ் 2025.. படைப்பாளர்களை கௌரவித்த அதானி குழுமம்.. கவனம் பெற்ற நிறுவனங்கள்
மும்பை: அதானி குழுமம், இளம் தொழில்முனைவோர் மற்றும் புதுமைப் படைப்பாளர்களை கௌரவிக்கும் விதமாக, 'அதானி க்ரீன் டாக்ஸ் 2025' நிகழ்ச்சியின் நான்காவது பதிப்பை நடத்தியது. இதில், நிலையான மற்றும் அனைவரையும் உள்ளடக்கிய எதிர்காலத்தை உருவாக்கும் படைப்புகள், தொழில்கள் பாராட்டப்பட்டு கவுரவிக்கப்பட்டன. நிகழ்ச்சியில் பேசிய அதானி குழுமத் தலைவர் கௌதம் அதானி, இந்தியாவின் இளைஞர்கள் நாட்டின் "இரண்டாவது சுதந்திரப் போராட்டத்திற்கு" தலைமை தாங்குவதாகத் தெரிவித்தார்.
இந்த சுதந்திரப் போராட்டம் அன்னிய ஆட்சியிலிருந்து விடுதலை பெறுவது பற்றியது அல்ல என்றும், அது தொழில்நுட்பம், சமத்துவம் மற்றும் சமூகப் புத்தாக்கத்தின் மூலம் சமூகங்கள் வளர்ச்சியடையவும், சமூகம் வலுவடையவும் உதவும் ஒரு போராட்டம் என்றும் அவர் விளக்கினார். இந்த போராட்டம் மூலம் மக்கள் முன்னேற்றம் அடைவார்கள், அனைவருக்கும் சமத்துவம் ஏற்படும் என்று அவர் விவரித்தார்.
கடந்த காலங்களில் பெரும் வெற்றி பெற்ற நிறுவனங்களான GenRobotics, Navalt, மற்றும் Marut Drones ஆகியவை இந்த நிகழ்ச்சியில் நினைவுகூரப்பட்டன. மனிதக் கழிவுகளை அகற்றுவதற்குப் பதிலாக ரோபோக்களை உருவாக்கிய GenRobotics, குறைந்த செலவில் சூரிய மின்சக்தி படகுகளை உருவாக்கிய Navalt, மற்றும் வாரணாசியில் உள்ள பெண் விவசாயிகளுக்கு ட்ரோன் தொழில்நுட்ப உதவியளித்த Marut Drones ஆகியவை சமூக மாற்றத்திற்குக் காரணமான நிறுவனங்களாகும். இது போன்ற நிறுவனங்கள் சமூக மாற்றத்தை எவ்வாறு கொண்டு வருகின்றன என்பதற்கு அவர்களின் உறுதியும், வலிமையான யோசனைகளும் சான்றாகும் என்று அதானி கூறினார்.
இந்த ஆண்டு நிகழ்ச்சியில், Recyclex (சுற்றுச்சூழலுக்கு உகந்த கட்டுமானப் பொருட்கள்), Trestle Labs (பார்வையற்றவர்களுக்கான "கிபோ" தளம்), Nemocare Wellness (தாய்மார்கள் மற்றும் புதிதாகப் பிறந்த குழந்தைகளுக்கான மருத்துவச் சாதனங்கள்), Avinya Leather சைவ தோல்), மற்றும் Sea6 Energy (உயிர் எரிபொருள், உரங்கள் மற்றும் பயோபிளாஸ்டிக்கான கடற்பாசி சாகுபடி) போன்ற பல புதுமைப் படைப்பாளர்கள் தங்கள் கண்டுபிடிப்புகளைக் காட்சிப்படுத்தினர்.
நூற்றுக்கணக்கான விண்ணப்பங்களிலிருந்து தேர்ந்தெடுக்கப்பட்ட சமூகப் புத்தாக்கத் திட்டங்களை அங்கீகரிக்க, இந்த நிகழ்ச்சியில் சமூக தாக்க விருதுகள் அறிமுகப்படுத்தப்பட்டன. முதல் 'லோக் கல்யாண் விருது’ பாரத் பயோடெக்கின் தலைவர் டாக்டர். கிருஷ்ணா எல்லாவுக்கு வழங்கப்பட்டது. பொது சுகாதாரத்திற்கு அவர் ஆற்றிய பங்களிப்பிற்காக இந்த விருது வழங்கப்பட்டது. விருதை ஏற்றுக்கொண்ட டாக்டர். எல்லா, இந்திய விஞ்ஞானிகளுக்கும், புதுமைப் படைப்பாளர்களுக்கும் இந்த விருதை சமர்ப்பிப்பதாகத் தெரிவித்தார். மேலும், 'க்ரீன் டாக்ஸ்' போன்ற தளங்கள் அடுத்த தலைமுறையைத் தைரியமாக கனவு காணத் தூண்டும் என்றும் கூறினார்.
இந்த நிகழ்வில் நடிகர் விக்ராந்த் மாசியும் கலந்துகொண்டார். அவருடைய விடாமுயற்சியைப் பாராட்டிய கௌதம் அதானி, இது இளம் தொழில்முனைவோரின் மன உறுதியுடன் தொடர்புடையது என்று குறிப்பிட்டார். புதுமைகள் நாட்டின் எந்தப் பகுதியிலிருந்தும் வரலாம் என்பதைக் குறிப்பிட்டு, 'க்ரீன் டாக்ஸ்' இனி இணைந்து இரண்டாம் மற்றும் மூன்றாம் நிலை நகரங்களைச் சென்றடையும் என்று அதானி அறிவித்தார்.
இந்தியக் கிராமங்களிலுள்ள புதுமைப் படைப்பாளர்களை உலகம் முழுவதுமுள்ள நகரங்களுடன் இணைக்கும் ஒரு உலகளாவிய தளமாக 'க்ரீன் டாக்ஸ்' வளரும் என்றும் அவர் கூறினார். ஒரு சிறந்த எதிர்காலத்தை உருவாக்கும் இலக்குடன், 'க்ரீன் டாக்ஸ்' தைரியமாக கற்பனை செய்வதற்கான அழைப்பு என்றும், இந்தியாவின் "இரண்டாவது சுதந்திரப் போராட்டத்தின்" ஒரு பகுதி என்றும், அது ஒரு நியாயமான மற்றும் வலிமையான சமூகத்தை உருவாக்கும் என்றும் அவர் விவரித்தார்.
Click it and Unblock the Notifications
Sign in with Google