மஜ்லிஸ் கட்சி அங்கீகாரம் ரத்து- மகா. தேர்தல் ஆணையம் அதிரடி- உள்ளாட்சி தேர்தலில் போட்டியிட தடை!!

மும்பை: அகில இந்திய மஜ்லிஸ் கட்சியின் மாநில கட்சி அங்கீகாரத்தை மகாராஷ்டிரா தேர்தல் ஆணையம் அதிரடியாக ரத்து செய்துள்ளது. இதனால் மகாராஷ்டிரா மாநில உள்ளாட்சித் தேர்தலில் மஜ்லிஸ் கட்சி போட்டியிட முடியாத நிலை உருவாகி உள்ளது.

ஆந்திரா, தெலுங்கானாவில் வலுவாக உள்ள மஜ்லிஸ் கட்சி, மகாராஷ்டிரா சட்டசபையில் 2 எம்.எல்.ஏ.க்களைக் கொண்டுள்ளது. அடுத்த ஆண்டு நடைபெற உள்ள மகாராஷ்டிரா உள்ளாட்சித் தேர்தலில் மஜ்லிஸ் கட்சி கணிசமான இடங்களைக் கைப்பற்றலாம் எனக் கூறப்பட்டு வருகிறது.

இந்த நிலையில் நிதி மற்றும் வருவாய் விவரங்களைத் தாக்கல் செய்யவில்லை எனக் கூறி மகாராஷ்டிரா தேர்தல் ஆணையம் 191 அரசியல் கட்சிகளின் அங்கீகாரத்தை ரத்து செய்துள்ளது. இதில் ஓவைசியின் மஜ்லிஸ் கட்சியும் அடங்கும்.

மஜ்லிஸ் கட்சியின் மாநில கட்சி அங்கீகாரத்தை மகாராஷ்டிரா தேர்தல் ஆணையம் ரத்து செய்திருப்பது அம்மாநில அரசியலில் பரபரப்பை ஏற்படுத்தியுள்ளது.

English summary

Hyderabad-based leader Asaduddin Owaisi's party MIM or the All India Majlis-e-Ittehad-ul Muslimeen has been derecognized as a political party in Maharashtra.