நடுவானில் அடித்த அலாரம்.. அமெரிக்கா சென்ற ஏர் இந்தியா விமானம் அவசர தரையிறக்கம்

மும்பை: அமெரிக்காவின் நியூவர்க் செல்ல வேண்டிய ஏர் இந்தியா விமானம் அலாரம் அடித்ததால், அவசரமாக கஜகஸ்தானில் தரையிறக்கப்பட்டது.

மும்பை ஏர் இந்திய விமான நிறுவனத்திற்கு சொந்தமான ஏஐ191 போயிங் ரக பயணிகள் விமானம் 300 பயணிகளுடன் மும்பையில் இருந்து இன்று காலை 2.25 மணிக்கு நியூஜெர்சி மாகாணத்திலுள்ள நியூவர்க் நகருக்கு புறப்பட்டது.

விமானம் பற்ந்து கொண்டு இருக்கும் போது திடீரென தீ எச்சரிக்கை அலாரம் ஒலித்துள்ளது. எனவே அச்சமடைந்த விமானி, அனுமதி பெற்று, கஜகஸ்தான் சர்வதேச விமான நிலையத்தில் விமானத்தை இறக்கினார்.

AIUpdate: #AI191 #Mumbai - #Newark has been diverted to #Kazakhstan due to operational reasons. All pax are being taken care of.

— Air India (@airindiain) August 25, 2016

அலாரம் அடித்தது தொழில்நுட்ப கோளாறு காரணமாக என தெரியவந்துள்ளது. இருப்பினும், டெல்லியில் இருந்து மாற்று விமானத்தை ஏர் இந்தியா அனுப்பி வைத்து, கஜகஸ்தானில் தவித்த பயணிகளை நியூவர்க் அழைத்து சென்றது.

இந்த சம்பவத்தால் விமான பயணிகள் மத்தியில் பரபரப்பு நிலவியது.

English summary

A Newark-bound Air India flight, carrying around 300 passengers, from here was on Thursday diverted to Kazakhstan due to technical issues.