நடிகர் மாதவனின் லக்கேஜை தொலைத்த விமான நிறுவனம்
மும்பை: குடும்பத்தோடு நியூசிலாந்து சென்ற நடிகர் மாதவனின் சூட்கேஸ் உள்ளிட்ட லக்கேஜ்களை விமான நிறுவனம் தொலைத்துவிட்டது.
நடிகர் மாதவன் நடித்து விரைவில் வெளியாக உள்ள இறுதிசுற்று திரைப்படத்திற்கு எதிர்பார்ப்பு ஏறியுள்ளது. இந்நிலையில் விடுமுறை காலத்தை குடும்பத்தோடு கழிக்க மாதவன் தனது குடும்பத்தோடு நியூசிலாந்து சென்று திரும்பியுள்ளார்.
ஆனால் விமான நிறுவனத்தில் பயணத்தின்போது, மாதவனுக்கு பிடித்த சைவ உணவு தரப்படவில்லையாம். முற்றிலுமே அசைவ உணவுதான் இருந்துள்ளது. மேலும், மாதவனின் லக்கேஜ்களையும் பறிகொடுத்துவிட்டது ஏர்லைன்ஸ் நிறுவனம்.
இதுகுறித்து தனது டிவிட்டர் தளத்தில் மாதவன் ஆதங்கத்தை வெளிப்படுத்தியுள்ளார். ஏர்லைன்ஸ் நிறுவனத்தால் மன உளைச்சலுக்கு ஆளானாலும், நியூசிலாந்து நாடும் அதன் மக்களும் பிடித்தமானதாக மாறிவிட்டதாகவும் மாதவன் குறிப்பிட்டுள்ளார். இருப்பினும் மன உளைச்சலுக்கு ஆளாக்கிய விமான நிறுவன பெயரை நாசூக்காக தவிர்த்துவிட்டார்.