காமராஜர், மூப்பனார் படத்தை நீக்க கூறவில்லை- 'ஞானம்' புகாரை மறுக்கும் அஜய் மக்கான்!

By Mathi

Published: Friday, October 31, 2014, 15:15 [IST]

Subscribe to Oneindia Tamil

டெல்லி: உறுப்பினர் அட்டையில் காமராஜர், மூப்பனார் படத்தை நீக்க மேலிடம் உத்தரவிட்டதாக ஞானதேசிகன் கூறிய புகாரை காங்கிரஸ் கட்சியின் செய்திப் பிரிவுத் தலைவர் அஜய் மக்கான் மறுத்துள்ளார்.

தமிழக காங்கிரஸ் தலைவர் பதவியில் இருந்து ராஜினாமா செய்த ஞானதேசிகன், உறுப்பினர் அட்டையில் காமராஜர், மூப்பனார் படத்தை நீக்க மேலிடம் வலியுறுத்தியதாக கூறியிருந்தார்.

ஆனால் இந்தப் புகாரை காங்கிரஸ் கட்சியின் செய்திப் பிரிவுத் தலைவர் அஜய் மக்கான் மறுத்துள்ளார். மேலும், ஞானதேசிகன் ராஜினாமா கடிதம் மீது சோனியா காந்தி விரைவில் முடிவு எடுப்பார்.

தமிழகத்துக்கு கோஷ்டிப் பூசலில் சிக்காத ஒருவரை தலைவராக நியமிக்க நடவடிக்கை மேற்கொள்ளப்படும் என்றார்.

இதனால் ஞானதேசிகன் ராஜினாமாவை காங்கிரஸ் மேலிடம் எப்போது வேண்டுமானாலும் ஏற்கலாம் என்ற நிலை உருவாகி உள்ளது.

Published On October 31, 2014