“இங்கு புகைபிடிக்கத் தடை”- புகையில்லா ஊர்கள் பட்டியலில் சேர்ந்த அஜ்மீர், அல்வார்!

ஜெய்ப்பூர்: ராஜஸ்தான் மாநிலத்தில் உள்ள அஜ்மீர் மற்றும் அல்வார் மாவட்டங்கள் புகையில்லா மாவட்டங்களாக அறிவிக்கப்பட்டுள்ளன.

ஏற்கனவே, நாட்டின் பிரதமராக உள்ள மோடியின் சொந்த மாநிலமான குஜராத் மாநிலத்தில் மதுவிலக்கு பூரணமாக அமல்படுத்தப்பட்டுள்ளது. அது போல் தற்போது ராஜஸ்தான் மாநில அரசும் தங்கள் மாநிலத்தை புகை பிடிக்காதவர்கள் உள்ள மாநிலமாக மாற்ற முயற்சித்து வருகிறது.

அதன்படி ஒருபடியாக ஏற்கனவே அங்குள்ள ஜுன்ஜுனு மற்றும் ஜோத்பூர் மாவட்டங்கள் புகை பிடிப்பவர்கள் இல்லாத மாவட்டமாக அறிவிக்கப்பட்டிருந்தது.

தற்போது அப்பட்டியலில் அம்மாநிலத்தை சேர்ந்த மேலும் இரு மாவட்டங்கள் இடம் பிடித்துள்ளன. அம்மாநிலத்தை சேர்ந்த அஜ்மீர் மற்றும் அல்வார் மாவட்டங்கள் தற்போது புகையில்லா மாவட்டங்களாக அறிவிக்கப்பட்டுள்ளது குறிப்பிடத்தக்கது.

English summary

The war on smoking has intensified with two more districts, Ajmer and Alwar, being declared smoke-free districts apart from Jhunjhunu and Jodhpur which were already declared so earlier. Now, Rajasthan has four smoke-free districts.