ஆகாஷ் டேப்லட்-4 ஏப்ரலில் சந்தைக்கு வரும்…. கபில்சிபல் அறிவிப்பு..

டெல்லி:ரூ.3,999 விலையில் ஆகாஷ்-4 டேப்லட் கம்ப்யூட்டர் விற்பனைக்கு வரும் என மத்திய அமைச்சர் கபில்சிபல் தெரிவித்துள்ளார்.

விலை குறைவாக இருப்பதால் இந்த டேப்லெட் வங்குவதற்காக பலர் காத்திருப்போர் பட்டியலில் இருக்கின்றனர்.

இந்நிலையில், ஆகாஷ், ஆகாஷ்-2 டேப்லட்டுகளுக்கு அடுத்து மேம்படுத்தப்பட்ட ஆகாஷ்-4 டேப்லட் வெளிவர உள்ளது.

மலிவு விலை டேப்லட்:

அரசின் மலிவு விலை டேப்லட் கம்ப்யூட்டரான "ஆகாஷ் 4" இன்னும் ஒன்றரை மாதங்களில் சந்தைக்கு வரும் என்றும், இதற்கான தயாரிப்பு ஒப்பந்தங்களுக்கு வினியோகத்துறை இயக்குநர் அனுமதி அளித்துள்ளதாகவும் மத்திய தொலைதொடர்பு அமைச்சர் கபில்சிபல் தெரிவித்துள்ளார்.

7 அங்குலத்தில்:

ஆகாஷ் 4 டேப்லட் ஆனது 7 அங்குலத்தில் ஸ்கிராட்ச் ரெசிஸ்டெண்ட்,தொடுதிரை, பிரண்ட் கேமரா, 4 ஜி.பி சேமிப்பு வசதி வெளிவருகிறது.

எல்லா ஜியும் இருக்கு ஜி:

வைஃபை இணைப்புடன் 2ஜி, 3ஜி மட்டுமின்றி 4ஜி இண்டர்நெட் வசதி உட்பட நவீன தொழில்நுட்ப வசதிகளை கொண்டிருக்கும். மேலும் 32 ஜி.பி வரையிலான மெமரி கார்டையும் உள்ளீடு செய்து கொள்ளலாம்.

மாணவர்களுக்காக:

மாணவர்களின் கல்வி பயன்பாட்டிற்காக வழங்கப்படும் அரசின் மலிவு விலை கம்ப்யூட்டரான ஆகாஷ் 4 டேப்லட்டின் விலை ரூ.3,999 ஆக நிர்ணயிக்கப்பட்டுள்ளதாகவும் அவர் தெரிவித்துள்ளார்.

மத்திய அரசின் டேப்லட்:

கபில்சிபல் மத்திய மனிதவள மேம்பாட்டுத் துறை அமைச்சராக இருந்தபோது உயர்கல்வியை மேம்படுத்தும் நோக்கில் "ஆகாஷ் திட்டம்" மத்திய அரசால் கொண்டுவரப்பட்டது என்பது குறிப்பிடத்தக்கது.

English summary

Akash tablet-4 will be release in another one and half month, said union minister for telecom, Kabil Sibal to the media. This tablet’s starting price is Rs 3,999 which is affordable for middle class.