”ஒரு மகள் 10 மகன்களுக்கு சமம்”- உலக மகள்கள் தின வாழ்த்தில் அமிதாப்பின் உருக்கமான டுவிட்!

டெல்லி: ஒரு பெண் குழந்தையான மகள் வீட்டில் இருப்பது 10 ஆண் குழந்தைகளான மகன்கள் இருப்பதற்கு சமம் என்று தெரிவித்துள்ளார் பிரபல இந்தி சூப்பர் ஸ்டார் அமிதாப் பச்சன்.

இந்தி நடிகர் அமிதாப்பச்சன் ஐக்கிய நாடுகளின் சபையில் பெண் குழந்தைகள் நல அமைப்பின் தூதுவராக இருக்கிறார். இதன்மூலம் பெண் குழந்தைகள் பாதுகாப்புக்காக பல்வேறு விழிப்புணர்வு பணிகளில் ஈடுபட்டு வருகிறார்.

இந்நிலையில் உலக மகள்கள் தின வாரத்தினை ஒட்டி தனது டுவிட்டர் பக்கத்தில் ரசிகர்களுக்கு அவர் வாழ்த்து தெரிவித்ததுடன், "பெற்றோர்களுக்கு பெண் குழந்தைகள் இருப்பது பெருமையான விஷயம். மகள்களை நாம் மகன் போல "வாடா... போடா..." என்று கூப்பிடுகிறோம். அதே நேரம், மகன்களை மகள்கள் போல அழைப்பது இல்லை. இதுதான் மகள்களுக்கு இருக்கிற முக்கியத்துவம்.

பெற்றோருக்கு மகள்கள் பதற்றத்தை ஏற்படுத்த மாட்டார்கள். இன்றைய உலகில் ஒரு மகள் இருப்பது 10 மகன்களுக்கு சமம்" என்று தெரிவித்துள்ளார்.

பாலிவுட்டின் பிக் "பி" அமிதாப் பச்சனுக்கு ஸ்வேதா என்ற மகளும் இருக்கிறார். மகன் அபிஷேக் பச்சன், ஐஸ்வர்யா ராயை மணந்துள்ளார். நவ்யா நவேலி, ஆரத்யா என 2 பேத்திகளும் உள்ளனர் என்பது குறிப்பிடத்தக்கது.

English summary

Celebrating the spirit of daughter's week, megastar Amitabh Bachchan said a daughter in today's times is equal to having "ten sons".