• search
For Quick Alerts
ALLOW NOTIFICATIONS  
For Daily Alerts

மகா. ஆளுநர் சங்கரநாராயணன் நள்ளிரவில் மிஸோரத்துக்கு மாற்றம்!

|

டெல்லி: ஆளுநர் பதவியை ராஜினாமா செய்ய முடியாது என்று திட்டவட்டமாக கூறி விட்ட மகாராஷ்டிர ஆளுநர் சங்கரநாராயணை மத்திய அரசு அதிரடியாக மிஸோரம் மாநிலத்துக்கு நேற்று நள்ளிரவுக்கு மேல் மாற்றி உத்தரவிட்டது.

கடந்த காங்கிரஸ் கூட்டணி ஆட்சியின்போது ஆளுநர்களாக நியமிக்கப்பட்ட 12 பேரை ராஜினாமா செய்யுமாறு மோடி உரசு உத்தரவிட்டது. சிலர் இதை ஏற்றனர், சிலர் முரண்டு பிடித்தனர். அதன் பின்னர் அவர்களும் விலக சம்மதித்தனர். அதன்படி, உ.பி, மேற்கு வங்கம், சட்டிஸ்கர், நாகாலாந்து, கோவா ஆகிய மாநில ஆளுநர்கள் பதவி விலகினர்.

ஆனால் மகாராஷ்டிர ஆளுநராக இருந்து வந்த கே. சங்கரநாராயணன் விலக முடியாது என்று கூறி விட்டார். இந்த நிலையில்தான் அவரை அதிரடியாக மிஸோரத்துக்கு மாற்றியுள்ளது மத்திய அரசு.

நள்ளிரவுக்கு மேல்

நள்ளிரவுக்கு மேல்

நேற்று நள்ளிரவுக்கு மேல் சங்கரநாராயணனை இடமாற்றம் செய்தது மத்திய அரசு. இதுதொடர்பான உத்தரவு ஒன்றை குடியரசுத் தலைவர் மாளிகை, 82 வயது சங்கரநாராணனுக்கு பேக்ஸ் மூலம் அனுப்பி வைத்தது.

2017 வரை மிஸோரம்தான்

2017 வரை மிஸோரம்தான்

சங்கரநாராயணன் பதவி விலக முடியாது என்று கூறியிருப்பதால் 2017ம் ஆண்டு வரை அவர் ஆளுநராக நீடிப்பார் என்று தெரிகிறது.

குஜராத் ஆளுநருக்குக் கூடுதல் பொறுப்பு

குஜராத் ஆளுநருக்குக் கூடுதல் பொறுப்பு

குஜராத் ஆளுநர் ஓம் பிரகாஷ் கோஹ்லி, மகாராஷ்டிராவை கூடுதல் பொறுப்பாக கவனிக்குமாறு கேட்டுக் கொள்ளப்பட்டுள்ளார்.

ஏற்கனவே நீக்கப்பட்ட கமலா பேனிவால்

ஏற்கனவே நீக்கப்பட்ட கமலா பேனிவால்

முன்னதாக குஜராத் ஆளுநராக இருந்து வந்த கமலா பேனிவாலை, மோடி அரசு அதிரடியாக மிஸோரத்துக்கு மாற்றியது. பின்னர் அவர் ஓய்வு பெற 2 மாதங்களே இருந்த நிலையில் அவரை டிஸ்மிஸ் செய்தது என்பது நினைவிருக்கலாம். இப்போது சங்கரநாராயணன் மீது பாய்ந்துள்ளது மத்திய அரசு. மோடி முதல்வராக இருந்தபோது அவருடன் பல விஷயங்களில் மோதியவர் பேனிவால் என்பது நினைவிருக்கலாம்.

கோர்ட்டுக்கு இழுத்த ஆசிஸ் குரேஷி

கோர்ட்டுக்கு இழுத்த ஆசிஸ் குரேஷி

முன்னதாக உத்தரகாண்ட் ஆளுநர் ஆசிஸ் குரேஷி, இடமாற்ற விவகாரத்தில் மத்திய அரசை கோர்ட்டுக்கு இழுத்துள்ளார் என்பது நினைவிருக்கலாம். இவருக்கும் விலகுமாறு நெருக்கடி தரப்பட்டது. ஆனால் குரேஷி உச்சநீதிமன்றத்தில் கேஸ் போட்டு விட்டார். அவரை பதவி விலகுமாறு மத்திய உள்துறை செயலாளர் அனில் கோஸ்வாமி உத்தரவிட்டாரா என்று மத்திய அரசிடம் உச்சநீதிமன்றம் விளக்கமும் கேட்டுள்ளது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
In the wee hours of Sunday, the government announced its decision to transfer K Sankaranarayanan, the Governor of Maharashtra, to Mizoram. Mr Sankaranarayanan was among the dozen governors, appointed by the UPA, who were earlier asked to resign by Prime Minister Narendra Modi's government. He had dug in his heels and refused to do so.

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more