அது வேற வாயி.. இது நாற வாயி.. பத்ம விருதுகளால் அம்பலப்பட்ட பாலிவுட் பிரபலம்

மும்பை: பத்ம விருதுகளை விளாசித்தள்ளிய பாலிவுட் நடிகர் அனுபம் கேர் தற்போது தனக்கு விருது கிடைத்த பிறகு, அதையே போற்றி புகழ்ந்ததை ஆதாரப்பூர்வமாக எடுத்துப்போட்டு வறுக்கிறார்கள் வலைவாசிகள்.

2010ம் ஆண்டு, பத்ம விருதுகள் அறிவிக்கப்பட்டபோது, அனுபம் கேர் டிவிட் ஒன்று வெளியிட்டுள்ளார். அதில், இந்த நாட்டில், நமது நாட்டின் நடைமுறைகளை கேலி செய்யும் வகையில் விருதுகள் அமைந்துள்ளன. அதில் ஒன்றில்கூட அங்கீகாரம் இல்லை என்று குறிப்பிட்டுள்ளார்.

இந்நிலையில், இவ்வாண்டுக்கான பத்ம விருதுகள் பட்டியலில் அனுபம் கேர் பெயர் இடம்பெற்றுள்ளது. அவருக்கு பத்ம பூசன் விருது வழங்குவதாக அரசு அறிவித்துள்ளது. இதுகுறித்து நேற்று முன்தினம் அவர் வெளியிட்ட டிவிட்டில், எனக்கு பத்ம பூசன் விருதை இந்திய அரசு வழங்கியுள்ளது என்ற தகவலை, மகிழ்ச்சியோடும், தன்னடக்கத்தோடும், பெருமிதத்தோடும் பகிர்ந்து கொள்கிறேன். எனது வாழ்க்கையின் மிகச்சிறந்த செய்தி இது.. என்று டிவிட் செய்துள்ளார்.

So just a few years ago padma awards were a mockery & now an honor. Views change with government? #PadmaAward4Bhakts pic.twitter.com/VMcIfCQ7BY

— Stuti Mishra (@ssttuuttii) January 25, 2016

நெட்டிசன்கள் அவரது பழைய டிவிட்டையும், புதிய டிவிட்டையும் எடுத்துப்போட்டு கலாய்த்து வருகிறார்கள்.

இதனிடையே, வாழும் கலை அமைப்பின் நிறுவனர் ஸ்ரீஸ்ரீஸ்ரீரவிசங்கர் குருஜிக்கு பத்ம விபூசன் விருது கொடுக்கப்பட்டுள்ளதற்கு உள்நோக்கம் காரணம் என டிவிட்டரில் விமர்சனம் முன் வைக்ககப்படுகிறது.

மோடி ஆட்சிக்கு வந்தால், டாலருக்கு நிகரான இந்திய ரூபாயின் மதிப்பு ரூ.40 என்ற அளவுக்கு சீரடையும் என்று ரவிசங்கர் 2014ம் ஆண்டில் வெளியிட்ட டிவிட்டை தேடிப்பிடித்து, இதற்காகத்தான் விருதா என கேட்டு கேலி செய்கிறது ஒரு டிவிட்.

Fail 2 understand why dis chappie👉 @SriSri got it Oh😂 Refreshing Re40/-=1$ theory jumla? #Shame #PadmaAward4Bhakts pic.twitter.com/ubWSEM5X3L

— #INC Aneela Nadar (@Aneela_Nadar) January 25, 2016

அடேங்கப்பா, எத்தனை வருஷமா இருந்தாலும், தேடி கண்டுபிடிச்சி ஓட்டுறாங்களப்பா இந்த நெட்டிசன்கள்.

English summary

Bollywood actor Anupam Kher, who has been awarded the prestigious Padma Bhushan this year, has undergone a radical change of heart, it appears.