ஒரு மாதமாக தேடி.. ஆஸ்திரியாவிலிருந்து அனுஷ்காவுக்கு கோஹ்லி கொடுத்த செம கிஃப்ட்!

டெல்லி: மனைவி அனுஷ்கா ஷர்மாவுக்கு கோஹ்லி வழங்கிய வைர மோதிரத்தின் மதிப்பு அவர்கள் திருமணம் நடைபெற்ற இடத்தின் ஒரு நாள் வாடகையைவிட பல மடங்கு அதிகம்.

இத்தாலி நாட்டின், மிலன் நகரில் அனுஷ்கா ஷர்மாவை நேற்று கரம் பிடித்தார் கோஹ்லி. அப்போது அனுஷ்காவுக்கு அவர் அணிவித்த மோதிரம் பலரையும் கவர்ந்தது.

இந்த மோதிரம் வைரத்தால் உருவாக்கப்பட்டது.

ஒரு மாதம்

இந்த மோதிரத்தை தேட ஒரு மாதம் தேவைப்பட்டுள்ளது கோஹ்லிக்கு. இறுதியாக ஆஸ்திரியா நாட்டை சேர்ந்த புகழ்பெற்ற ஒரு நகை வடிவமைப்பாளரிடம் இந்த மோதிரத்தை கோஹ்லி வாங்கியுள்ளார். இதன் விலையை கேட்டால் அசந்துவிடுவீர்கள்.

ஒரு கோடிப்பே

அனுஷ்காவுக்கு காதல் பரிசாக கோஹ்லி அளித்த மோதிரத்தின் விலை ரூ.1 கோடியாகும். அந்த விலைக்கான பெறுமானத்தை மோதிரம் கொடுக்கிறது. ஒவ்வொரு பக்கம் இருந்து பார்த்தால் ஒவ்வொரு வகை டிசைனில் தெரியக்கூடியது இந்த மோதிரம்.

Exclusive Video Of Virat &
Anushka's Ring Ceremony! ❤️#VirushkaWEDDINGpic.twitter.com/ykpNzp2r2g

— Virushka Wedding #VirushkaWEDDING (@KingKohli_FC) December 11, 2017

திருமண விழா வாடகையைவிட அதிகம்

திருமணம் நடைபெற்ற பகுதியின் ஒருநாள் இரவு தங்கும் வாடகை ரூ. 6,50,000 முதல் 14,00,000 வரையாகும். உலகின் காஸ்ட்லியான தங்கும் விடுதிகளில் டாப் 10க்குள் இதுவும் ஒன்று. ஆனால் திருமணம் நடைபெற்ற இடத்திற்கான வாடகையைவிடவும், மோதிரத்தின் விலை அதிகம் என்பது இதில் சிறப்பு.

விருஷ்கா

விராட் கோஹ்லி மற்றும் அனுஷ்கா நடுவே திருமணமாகிவிட்டதால், இப்போது மக்கள் செல்லமாக 'விருஷ்கா' என இருவர் பெயரையும் இணைத்து அழைத்து மகிழ்கிறார்கள்.டிவிட்டரிலும் இந்த பெயர் டிரெண்டிங்கில் இருந்தது.

English summary

If the dreamy images of Virushka from their wedding melted many hearts, others couldn't take their eyes off Anushka's huge wedding ring.