எனக்கும், கோஹ்லிக்கும் இடையே இருக்கு, போதுமா?: நடிகை அனுஷ்கா

By Siva

Updated: Thursday, February 19, 2015, 14:16 [IST]

Subscribe to Oneindia Tamil

மும்பை: தான் கிரிக்கெட் வீரர் விராத் கோஹ்லியை காதலிப்பது உண்மை தான் என்று பாலிவுட் நடிகை அனுஷ்கா சர்மா தெரிவித்துள்ளார்.

கிரிக்கெட் வீரர் விராத் கோஹ்லியும், பாலிவுட் நடிகை அனுஷ்கா சர்மாவும் காதலிக்கிறார்கள் என்று முதலில் பாலிவுட் கிசுகிசுத்தது. அதன் பிறகு அனைவரும் கிசுகிசுத்தார்கள். பின்னர் வெளிப்படையாகவே பேசினார்கள். அனுஷ்காவும், கோஹ்லியும் கைகோர்த்து ஊர் சுற்றினார்கள், வெளிநாடுகளுக்கு சென்று வந்தார்கள். காதலா என்று கேட்டால் மவுனமாகிவிடுவார்கள்.

இந்நிலையில் தான் அனுஷ்கா முதன்முதலாக தன்னுடைய காதல் பற்றி பேசியுள்ளார்.

கோஹ்லி

கோஹ்லி பற்றி கேட்டால் பதில் அளிக்கவில்லையே தவிர நான் அவரை காதலிப்பதை மறுக்கவில்லையே என்று அனுஷ்கா தெரிவித்துள்ளார்.

காதல்

நான் கோஹ்லியை காதலிக்கிறேன். அந்த காதலை மதிக்கிறேன். நான் காதலை பற்றி பேசாததற்கு காரணம் உள்ளது. அது பற்றி பேசினால் என் வேலை பற்றி யாரும் பேச மாட்டார்கள் என்றார் அனுஷ்கா.

ஆமீர்

பி.கே. விளம்பர நிகழ்ச்சியில் ஆமீர் கான், அனுஷ்கா சர்மா கலந்து கொண்டனர். அப்போது அனுஷ்காவிடம் கோஹ்லியுடனான காதல் பற்றி செய்தியாளர்கள் கேட்டதற்கு இதை பற்றி கேட்க இது உகந்த இடம் இல்லை என்றார். அதற்கு ஆமீரோ வாங்க இடத்தை மாற்றுவோம், எனக்கு பதில் தெரிந்தாக வேண்டும் என்று விளையாட்டாக தெரிவித்தார் என்பது குறிப்பிடத்தக்கது.