குஜராத் லயன்ஸை அடக்கிய சந்தோஷத்தை அனுஷ்காவுடன் கொண்டாடிய கோஹ்லி
டெல்லி: ஐபிஎல் போட்டியில் குஜராத் லயன்ஸ் அணியை பெங்களூர் அணி தோற்கடித்ததை கோஹ்லி பாலிவுட் நடிகை அனுஷ்காவுடன் சேர்ந்து கொண்டாடியுள்ளார்.
ஐபிஎல் போட்டியில் சுரேஷ் ரெய்னா தலைமையிலான குஜராத் லயன்ஸ் அணியை விராட் கோஹ்லி தலைமையிலான ராயல் சேலஞ்சர்ஸ் பெங்களூர் அணி தோற்கடித்தது. இந்த வெற்றியை கோஹ்லி பாலிவுட் நடிகை அனுஷ்கா சர்மாவுடன் கொண்டாடியுள்ளார்.
காதலர்களாக இருந்த அனுஷ்காவும், கோஹ்லியும் பிரச்சனை ஏற்பட்டு கடந்த பிப்ரவரி மாதம் பிரிந்துவிட்டனர். காதல் முறிந்த கையோடு கோஹ்லி அனுஷ்காவை ட்விட்டர், இன்ஸ்டாகிராமில் பின்தொடர்வதை நிறுத்தினார்.
பின்னர் அனுஷ்காவின் பிறந்தநாள் அன்று ட்விட்டர், இன்ஸ்டாகிராமில் மீண்டும் அவரை பின்தொடரத் துவங்கினார். இந்நிலையில் குஜராத் லயன்ஸை அடக்கிய சந்தோஷத்தை அனுஷ்காவுடன் உணவகத்திற்கு சென்று சாப்பிட்டு கொண்டாடியுள்ளார் கோஹ்லி.
அனுஷ்காவுடன் மீண்டும் சேர்வதில் கோஹ்லி ஆர்வமாக உள்ளார் என்பது குறிப்பிடத்தக்கது.