கோஹ்லிக்கும், எனக்கும் திருமணம் எல்லாம் இல்லை: அனுஷ்கா அறிவிப்பு
மும்பை: கிரிக்கெட் வீரர் விராட் கோஹ்லியை தான் திருமணம் செய்யப் போவதாக வந்த செய்தியில் உண்மை இல்லை என்று பாலிவுட் நடிகை அனுஷ்கா சர்மா தெரிவித்துள்ளார்.
பாலிவுட் நடிகை அனுஷ்கா சர்மாவும், கிரிக்கெட் வீரர் விராட் கோஹ்லியும் காதலித்து வருகிறார்கள். அவர்கள் இருவரும் சேர்ந்து லிவ் இன் முறைப்படி வாழ மும்பையில் அபார்ட்மென்ட் கூட பார்த்துள்ளார்களாம்.
இந்நிலையில் அனுஷ்கா கோஹ்லியை திருமணம் செய்யத் துடிப்பதாக செய்திகள் வெளியாகின. கோஹ்லியோ முதலில் கிரிக்கெட்டில் கவனம் செலுத்த வேண்டும் என்று கூறி திருமணப் பேச்சை கண்டுகொள்ளவில்லையாம்.
இந்நிலையில் அனுஷ்கா சார்பில் வெளியிடப்பட்டுள்ள அறிக்கையில் கூறியிருப்பதாவது,
அனுஷ்கா விராட் கோஹ்லியை திருமணம் செய்ய உள்ளதாக வெளியான தகவலில் உண்மை இல்லை. அவர் தற்போது பிசியாக நடித்துக் கொண்டிருக்கிறார். அவரது வேலையில் மகிழ்ச்சியாக உள்ளார்.
அவரது வாழ்க்கை பற்றி அவர் நிச்சயம் அறிவிப்பார். அதனால் அது குறித்து யாரும் கணிக்க வேண்டாம் என்று கேட்டுக் கொள்ளப்படுகிறது என்று அதில் தெரிவிக்கப்பட்டுள்ளது.
Click it and Unblock the Notifications
Sign in with Google