"இமாலய வெற்றி.." அருணாச்சல பிரதேசத்தில் ஆட்சியை தக்க வைக்கும் பாஜக.. காங்கிரஸ் கட்சிக்கு படுதோல்வி

இட்டாநகர்: அருணாச்சல பிரதேச மாநிலத்திற்குச் சட்டசபைத் தேர்தல் நடந்து முடிந்துள்ள நிலையில், அங்கு இன்று வாக்கு எண்ணிக்கை நடைபெற்றது. இதில் பெரும்பான்மைக்குத் தேவையான இடங்களில் வென்று அங்கு பாஜக ஆட்சியைத் தக்க வைத்துக் கொண்டுள்ளது.

நாட்டின் வடகிழக்கு மாநிலங்களில் முக்கியமானது அருணாச்சல பிரதேசம். கடந்த 2019 முதலே இங்கே பாஜக ஆட்சியில் இருந்து வருகிறது. அம்மாநில முதல்வராக பாஜகவின் பேமா காண்டு இருந்து வருகிறார்.

நமது நாட்டில் நடந்து முடிந்த லோக்சபா தேர்தலுடன் அருணாச்சல பிரதேசத்திற்குச் சட்டசபைத் தேர்தலும் நடத்தப்பட்டது. முதலாம் கட்ட லோக்சபா தேர்தல் நடந்த ஏப்ரல் 19இல் அருணாச்சல பிரதேசத்திற்கும் சட்டசபைத் தேர்தல் நடைபெற்றது.

அருணாச்சல பிரதேசம்: அருணாச்சல பிரதேசத்தில் மொத்தம் 60 இடங்கள் இருக்கிறது. அதில் குறைந்தபட்சம் 31 தொகுதிகளில் வெல்லும் கட்சியை ஆட்சியைப் பிடிக்கும். இங்குப் பிரதான கட்சிகளாக பாஜகவும் காங்கிரஸும் உள்ளன.

கடந்த 2019இல் நடந்த அருணாச்சல பிரதேச சட்டசபைத் தேர்தலில் பாஜக 41 இடங்களில் வென்றது. பாஜக கூட்டணியில் இருந்த ஜேடியு 7 தொகுதிகளிலும், என்பிபி கட்சி 5 இடங்களிலும் வென்றது. காங்கிரஸ் கட்சியால் வெறும் 4 தொகுதிகளில் மட்டுமே வெல்ல முடிந்தது.

பாஜக: இதில் முக்கியமான விஷயம் என்னவென்றால் இங்குள்ள 60இல் 10 தொகுதிகளில் பாஜக ஏற்கனவே போட்டியின்றி வெற்றி பெற்றுவிட்டது. இந்த 10 தொகுதியில் அறிவிக்கப்பட்டிருந்த காங்கிரஸ் உட்பட எதிர்க்கட்சி வேட்பாளர்கள் அனைவரும் கடைசி நிமிடத்தில் வேட்புமனுவை வாபஸ் பெற்றன. இதனால் பாஜக 10 தொகுதிகளில் போட்டியின்றி வென்றது. இதனால் கடந்த ஏப்ரல் 19இல் தேர்தலே 50 தொகுதிகளுக்கு மட்டுமே நடந்தது.

English summary

Arunachal Pradesh Assembly Election Result Date and Time (அருணாச்சல பிரதேச சட்டசபை தேர்தல் முடிவுகள் தேதி மற்றும் நேரம்): Arunachal Pradesh elections results latest updates.