டெல்லியில் கெஜ்ரிவால் அதிரடி தொடக்கம்- நிதி, மின்துறை செயலர்கள் டிரான்ஸ்பர்!

By Mathi

Updated: Monday, December 30, 2013, 12:02 [IST]

Subscribe to Oneindia Tamil

டெல்லி: டெல்லி மாநில முதலமைச்சராக அரவிந்த் கெஜ்ரிவால் பதவியேற்ற முதல் நாளிலேயே நிதி, மின்சாரம் உள்ளிட்ட முக்கிய துறைகளின் அதிகாரிகள் அதிரடியாக மாற்றப்பட்டுள்ளனர்.

டெல்லி குடிநீர் வாரிய தலைமை செயல் அதிகாரி தேபஸ்ஸ்ரீ முகர்ஜி, டெல்லி போக்குவரத்து கழக தலைமை நீர்வாக இயக்குநராக மாற்றப்பட்டுள்ளார். மூத்த ஐஏஎஸ் அதிகாரி விஜய்குமார் குடிநீர்வாரிய தலைமை செயல் அதிகாரியாக நியமிக்கப்பட்டுள்ளார்.

மின்துறை செயலாளர் ஆர்.கே.வர்மா கல்வித்துறைக்கு இடம் மாற்றம் செய்யப்பட்டுள்ளார். போக்குவரத்து துறை செயலாளர் புனித்கோயல் மின்துறைக்கு மாற்றப்பட்டுள்ளார்.

முதலமைச்சர் அரவிந்த் கெஜ்ரிவாலின் செயலாளராக மூத்த ஐஏஎஸ் அதிகாரி ராஜேந்திரகுமார் நியமிக்கப்பட்டுள்ளார். டெல்லி நிதித்துறை செயலாளரும் முன்னாள் முதலமைச்சர் ஷீலாவின் செயலாளராக இருந்த எம்.எம்.குட்டி சமூக நலத்துறைக்கு மாற்றம் செய்யப்பட்டுள்ளார்.