பதவி விலகிய பிப்.14-ந் தேதியே மீண்டும் டெல்லி முதல்வராக பொறுப்பேற்கும் அரவிந்த் கேஜ்ரிவால்!

டெல்லி: டெல்லியில் ஆட்சியைக் கைப்பற்றிய ஆம் ஆத்மியின் தலைவர் அரவிந்த் கேஜ்ரிவால் தாம் முன்னர் முதல்வர் பதவியில் இருந்து ராஜினாமா செய்த அதே பிப்ரவரி 14-ந் தேதி மீண்டும் முதல்வராக பதவியேற்க உள்ளார்.

கடந்த 2013ஆம் ஆண்டு டெல்லி சட்டசபை தேர்தலில் 28 இடங்களைக் கைப்பற்றிய ஆம் ஆத்மி கட்சி காங்கிரஸின் ஆதரவுடன் ஆட்சி அமைத்தது. 49 நாட்கள் ஆட்சி நடத்திய பின்னர் 2014ஆம் ஆண்டு பிப்ரவரி 14-ந் தேதி முதல்வர் பதவியை அரவிந்த் கேஜ்ரிவால் ராஜினாமா செய்தார்.

தற்போதைய சட்டசபை தேர்தலில் வென்றுள்ள கேஜ்ரிவால் வரும் 14-ந் தேதியே அதாவது தாம் முதல்வர் பதவியில் இருந்து ராஜினாமா செய்த நாளிலேயே பதவி ஏற்க திட்டமிட்டுள்ளார்.

என்னா ஒற்றுமை!

English summary

AAP chief Arvind Kejriwal said he will take oath as Delhi chief minister on 14 February.