டவுட்டா இருக்கே.. மும்தாஜை ஷாஜகான் காதலித்தாரா? தாஜ்மஹாலை இடிச்சு கோயில் கட்டனும் -பாஜக எம்எல்ஏ பரபர

Updated: Thursday, April 6, 2023, 16:45 [IST]

Subscribe to Oneindia Tamil

கவுஹாத்தி: மத்திய அரசின் என்.சி.இ.ஆர்.டி புத்தகங்களில் முகலாயர்களின் வரலாறு குறித்த பாடங்கள் நீக்கப்பட்டது பெரும் சர்ச்சையை உண்டாக்கி இருக்கும் நிலையில் தாஜ்மஹால் மற்றும் குதுப் மினாரை இடித்துவிட்டு கோயில் கட்ட வேண்டும் என அசாம் மாநில பாஜக எம்.எல்.ஏ. ருப்ஜோதி குர்மி தெரிவித்து இருப்பது பெரும் பரபரப்பை கிளப்பி இருக்கிறது.

மத்திய கல்வித்துறையின் கீழ் செயல்படும் என்.சி.இ.ஆர்.டி வெளியிட்டு இருக்கும் 12 ஆம் வகுப்பு மாணவர்களுக்கான வரலாற்று புத்தகங்களில் முகலாயர்களின் வரலாற்று பாடங்கள் நீக்கப்பட்டு இருப்பது பெரும் சர்ச்சையை ஏற்படுத்தி உள்ளது. இதற்கு பல்வேறு தரப்பினர் கடும் கண்டனங்களை பதிவு செய்து வருகிறார்கள்.

Assam BJP MLA requesting PM Narendra Modi to demolish Taj Mahal

இந்த நிலையில்தான் முகலாய மன்னர்களால் கட்டப்பட்ட தாஜ்மஹால் மற்றும் குதுப் மினார் போன்ற இந்திய வரலாற்று நினைவு சின்னங்களை தகர்க்க வேண்டும் என பேசி பரபரப்பை கூட்டி உள்ளார் பாஜக எம்.எல்.ஏ. ருப்ஜோதி குர்மி.

தாஜ்மஹாலை இடிக்க வேண்டும்: அசாமில் செய்தியாளர்களை சந்தித்த பாஜக மரியானி தொகுதி எம்.எல்.ஏ பேசுகையில், "நான் பிரதமர் நரேந்திர மோடியிடம் ஒரு கோரிக்கையை முன்வைக்கிறேன். தாஜ் மஹாலையும் குதுப் மினாரையும் உடனடியாக இடித்து தரைமட்டமாக்க வேண்டும். அந்த கட்டிடங்கள் இருந்த இடத்தில் உலகின் மிக அழகான கோயில்களை கட்டி எழுப்ப வேண்டும்.

அந்த கோயில்களின் கட்டிடக் கலைக்கு அருகே வேறு எந்த நினைவு சின்னங்களும் நெருங்க முடியாத அளவிற்கு அதை கட்ட வேண்டும். 17 வது நூற்றாண்டில் வாழ்ந்த ஷாஜகான், மும்தாஜ் இறந்த பிறகு 3 முறை திருமணம் செய்துகொண்டார். உலகின் 7 அதிசயங்களில் ஒன்றான தாஜ்மஹால், இந்துக்களின் அரசு நிதியில் இருந்து எடுக்கப்பட்டது.

ஷாஜகான் மும்தாஜை காதலித்தாரா?: கடந்த 1956 ஆம் ஆண்டு முகலாயர்கள் இந்தியாவுக்குள் வருகிறார்கள். அதன் பின்னர் தாஜ்மஹால் கட்டப்படுகிறது. ஷாஜகான் இந்து மன்னர்களிடம் இருந்து பறிக்கப்பட்ட பணத்தை எடுத்து தாஜ்மஹாலை கட்டி உள்ளார். அது நம்முடைய பணம். தன்னுடைய 4 வது மனைவிக்காக தாஜ்மஹாலை ஷாஜகான் கட்டினார்.

அவர் மொத்தம் 7 பெண்களை திருமணம் செய்துகொண்டார். அதில் 4 வது மனைவிதான் மும்தாஜ். அவர் மும்தாஜை அதிகளவு காதலித்தார் என்றால், அவருக்கு பிறகு ஏன் 3 பெண்களை திருமணம் செய்துகொள்ள வேண்டும்? தாஜ்மஹாலை காதலின் சின்னம் என்று கூறுகிறார்கள். ஆனால், அது காதலின் அடையாளம் இல்லை." என்றார்.