மம்தா ஜாதகப்படி பாஜக கூட்டணிதான் “பெஸ்ட்” - சொல்கிறார்கள் ஜோசியர்கள்
கொல்கத்தா: தேர்தல் கூட்டணியை கட்சிகள் நிர்ணயிக்கிறதோ, இல்லையோ சில ஜோசியர்கள் மிக வேகமாக கணித்து கூட்டணியை முடிவு செய்கிறார்கள்.
இதனால் ஜோசியர்களின் காட்டில் அரசியல்வாதிகளால் பணமழை பெய்ய ஆரம்பித்துள்ளது.
மம்தா பானர்ஜியின் ஜாதகப்படி அவர் பாஜக கூட்டணியில் இணைவார் என்று சில ஜோசியர்கள் கூறிவருகின்றனர்.
பிசியான ஜோசியர்கள்:
மேற்குவங்க மாநிலத்தில் ஜோசியர்கள், கைரேகை நிபுணர்கள், எண்கணித நிபுணர்கள் ஆகியோர் படு பிசியாகவுள்ளனர்.
இதில் பாகுபாடே இல்லை:
கட்சி பாகுபாடின்றி அனைத்து வேட்பாளர்களும் தங்களின் வெற்றி நிலவரத்தை அறிந்து கொள்ள பிரபல ஜோசியர்களை பார்த்து வருகின்றனர்.
மம்தாவின் ஜாதகம்:
முதல்வர் மம்தாவின் ஜாதகத்தையும் ஜோசியர்கள் தீவிரமாக ஆராய்ந்துள்ளனர். அரசுக் குறிப்பின்படி அவரது பிறந்த தேதி 5.1.1955 என்பதன் படி அவரது ஜாதகம் கணிக்கப் பட்டுள்ளது.
வெற்றி நிச்சயம்:
அவரது ஜாதகத்தை ஆராய்ந்த தேபாசிஸ் ஜென் என்ற ஜோசியர் ‘‘மம்தாவின் ஜாதகத்தில் ராகு நல்ல நிலையில் உள்ளார். இந்த நிலை மே இறுதி வரை தொடரும். சந்திரனில் இருந்து 6 ஆம் இடத்தில் ராகு இருப்பதால் மம்தாவுக்கு வெற்றி நிச்சயம். மேலும் மம்தாவுக்கு சனி திசையுடன் குருவும் வக்கிரத்தில் உள்ளார். இது ஜனவரி 5 ஆம் தேதி வரை தொடரும்'' என கூறியுள்ளார்.
நமோதான் பிரதமர்:
மற்ற ஜோசியர்கள் கூறுகையில் ‘‘பாஜக நாயகன் நரேந்திர மோடிதான் அடுத்த பிரதமர். கூட்டணியில் இல்லாத கட்சிகளின் ஆதரவுடன் மோடி ஆட்சி அமைப்பார். அதில் முக்கியமாக மோடி அமைச்சரவையில் மம்தா இணைவார்'' என்று கணித்துக் கூறியுள்ளனர்.
Click it and Unblock the Notifications
Sign in with Google