• search
For Quick Alerts
ALLOW NOTIFICATIONS  
For Daily Alerts

பெங்களூர் போலீஸ் நடத்திய ஆபரேசன் ஸ்மைல்: பிச்சையெடுக்க வைக்கப்பட்ட 190 குழந்தைகள் மீட்பு

By Veera Kumar
|

பெங்களூர்: பெங்களூரில் பிச்சைக்காரர்களை மீட்க குறிவைத்து நடந்த ஸ்மைல் ஆபரேசனில் ஒரே நாளில் 190 குழந்தைகள் மீட்கப்பட்டுள்ளனர்.

சாலையோர சிக்னல்களில் குழந்தைகளை வைத்து பிச்சை எடுப்போர் எண்ணிக்கை பெங்களூரில் அதிகரித்து வந்தது. இதற்காக கடத்திவரப்பட்ட குழந்தைகளை பயன்படுத்துவதும் உண்டு என்று தெரிகிறது. குழந்தைகளை வைத்து பிச்சை எடுப்பதற்காகவே, அரசு மகப்பேறு மருத்துவமனைகளில் இருந்து, குழந்தைகளை கடத்துவது பெங்களூரில் அதிகரித்தது.

Bangalore police rescue 190 children found begging on streets

குழந்தைகள் நலனுக்காகவும், குழந்தைகள் கடத்தலை தடுப்பதற்காகவும், பிச்சைக்காரர்களை பிடித்து மறுவாழ்வு மையங்களுக்கு அனுப்பி வைக்க காவல்துறை திட்டமிட்டது. பெங்களூர் நகர கூடுதல் போலீஸ் கமிஷனர் (கிழக்கு மண்டலம்) பி.ஹரிசேகரன் தலைமையில், 'ஆபரேசன் ஸ்மைல்' என்ற பெயரில், நேற்று போலீசார் நகரம் முழுவதிலும் வேட்டை நடத்தினர்.

நேற்று ஒரே நாளில் 25 பச்சிளம் குழந்தைகள் உட்பட 190 சிறுவர், சிறுமிகள் மீட்கப்பட்டனர். மாநில அரசின் பால மந்திராக்களுக்கும், தொண்டு நிறுவனங்கள் நடத்தும் மறுவாழ்வு மையங்களுக்கும் அவர்கள் அனுப்பி வைக்கப்பட்டனர். சிறுவர்களை, குழந்தைகளை பிச்சையெடுக்க வைத்ததற்காக, 65 பெண்கள் மற்றும் 8 ஆண்களை போலீசார் கைது செய்தனர்.

மால்கள், கோயில்கள், ரயில்வே நிலையங்கள், பஸ் நிலையங்கள், தியேட்டர்கள், சிக்னல்களில் இந்த ஆபரேசன் அதிரடியாக நடத்தப்பட்டது. "குழந்தைகளை கடத்துவது, உடல்ரீதியாக அவர்களை துன்புறுத்துவது போன்றவற்றில் பிச்சை எடுக்கும் கும்பல் ஈடுபடுகிறது என்று தகவல் கிடைத்துவருகிறது. சிலர் நாள் ஒன்றுக்கு ரூ.200 முதல் ரூ.300 வரை பணம் கொடுத்து, குழந்தைகளை வாடகைக்கு கூட்டிச் சென்று பிச்சை எடுப்பதாகவும் கூறப்படுகிறது" என்றார் கூடுதல் கமிஷனர் ஹரிசேகரன்.

"குழந்தைகள் மற்றும் அவர்களை பிச்சைக்கு பயன்படுத்தியவர்களின் டி.என்.ஏக்கள் சோதித்து பார்க்கப்படும். இரண்டுமே பொருந்திப்போனால், பெற்றோரும், குழந்தையும், குழந்தைகள் நல கமிட்டிக்கு அனுப்பி வைக்கப்படுவார்கள். டி.என்.ஏ பொருந்தாவிட்டால், குழந்தைகளை கடத்தியது, பிச்சை எடுக்க வைத்தது உள்ளிட்ட பல பிரிவுகளின்கீழ் வழக்குப்பதிவு செய்து சிறையில் தள்ளப்படுவார்கள்" என்று ஹரிசேகரன் தெரிவித்தார்.

இதேபோல ஜூலை மாதம், தெலுங்கானா மாநிலத்தில், அம்மாநில போலீசாரால் 2474 குழந்தைகள் மீட்கப்பட்டுள்ளனர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
In a major operation against begging by minors, police conducted simultaneous raids across the Bangalore city and rescued 190 children.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more