பிசிசிஐ பொதுமேலாளர் பதவியிலிருந்து ஸ்ரீதர் ராஜினாமா

மும்பை: இந்திய கிரிக்கெட் வாரிய பொது மேலாளர் பதவியிலிருந்து எம்.வி.ஸ்ரீதர் ராஜினாமா செய்துள்ளார். உச்சநீதிமன்றம் அமைத்துள்ள நிர்வாக கமிட்டி இந்த ராஜினாமாவை ஏற்றுக்கொண்டுள்ளது.

இன்று நடைபெற்ற நிர்வாக கமிட்டி ஆலோசனை கூட்டத்தின்போது, ராஜினாமா கடிதத்தை ஸ்ரீதர் வழங்கியுள்ளார். எனவே இடைக்கால ஏற்பாடாக பிசிசிஐ தலைமை செயல் அதிகாரி ராகுல் ஜோரி இப்பொறுப்பை கூடுதலாக கவனிப்பார்.

ஸ்ரீதர் வரும் 30ம் தேதிவரை தனது பொறுப்பை தொடர்வார் என்று கூறப்படுகிறது. ஹைதராபாத் கிரிக்கெட் சங்க தலைவராக பதவி வகித்தபோது, நிதி முறைகேட்டில் ஈடுபட்டதாக ஸ்ரீதர் மீது குற்றச்சாட்டு எழுந்தது.

பிசிசிஐ பொது மேலாளரான பிறகும், ஸ்ரீதர் ஹைதராபாத்திலேயே தங்கியிருந்தார். அலுவல் நடவடிக்கைகளுக்காக அவர் அவ்வப்போது மும்பை வந்து செல்வார். ஆனால் பிசிசிஐ தலைமையகம் அமைந்துள்ள மும்பையிலேயே ஸ்ரீதர் தங்கியிருக்க பிசிசிஐ விரும்பியது. இரட்டை விருப்பங்கள் அடிப்படையில் ஸ்ரீதர் பதவிக்கு நெருக்கடி ஏற்பட்டதால் அவர் பிசிசிஐ பொது மேலாளர் பதவியை ராஜினாமா செய்துள்ளார்.

English summary

BCCI’s General Manager (Cricket Operations) M V Sridhar on Wednesday tendered his resignation, a decision that was accepted by the Committee of Administrators (COA).