டிவி நடிகையின் கன்னத்தில் பளார் விட்ட முன்னாள் காதலர்
மும்பை: பிக் பாஸ் 8 டிவி ரியாலிட்டி ஷோவில் கலந்து கொண்ட நடிகை சோனி சிங்கை அவரது முன்னாள் காதலர் கன்னத்தில் அறைந்துள்ளார்.
இந்தி டிவி சீரியல்களில் நடித்து வருபவர் சோனி சிங். அவர் பிக் பாஸ் 8 டிவி ரியாலிட்டி ஷோவில் கலந்து கொண்டவர். அந்த நிகழ்ச்சி மூலம் அவர் பிரபலம் ஆனார். இந்நிலையில் கடந்த 6ம் தேதி அவர் மும்பை வெர்சோவா பகுதியில் தனது தோழிகளுடன் இருந்தார்.
அப்போது அங்கு வந்த சோனியின் முன்னாள் காதலர் அவரை தாக்கி, தரத் தரவென இழுத்துச் சென்று ஒரு காருக்குள் தள்ளினார். காருக்குள் வைத்து அவர் சோனி சிங்கை கன்னத்தில் பல முறை அறைந்துள்ளார். மேலும் அவரை அடித்து நொறுக்கியுள்ளார்.
இதை பார்த்த சோனியின் தோழிகள் குறுக்கிட்ட போது இது தன் தனிப்பட்ட விஷயம் என்று சோனி தெரிவித்துள்ளார். பின்னர் போலீசார் வந்து சோனி, அவரது முன்னாள் காதலர் மற்றும் தோழிகளை காவல் நிலையத்திற்கு அழைத்துச் சென்றனர்.
போலீசார் சோனியின் முன்னாள் காதலர் மீது வழக்குப்பதிவு செய்துள்ளனர்.
Click it and Unblock the Notifications
Sign in with Google